<h2>آنکھ میں دوا ڈالنے اور سرمہ لگانے سے روزہ فاسد ہوگا کہ نہیں ؟</h2> کیا فرماتے علمائے کرام کہ حالت صوم میں آنکھ میں دوا ڈالنے اور سرمہ لگانے سے روزہ فاسد ہوگا کہ نہیں ۔بعض لوگ کہتے ہیں کہ جدید تحقیق کے مطابق آنکھ میں دوا ڈالنے سے روزہ روزہ ٹوٹ جاتا ہے۔ بینوا توجروا المستفتی : قطب عالم بچلے پوروا گونڈا بِسْمِ اللّٰهِ الرَّحْمٰنِ الرَّحِیْمِ <span style="color: #ff0000;"><strong>الجوابــــــــــــــــــــــــــــــــــ</strong> </span> آنکھ میں دوا ڈالنے اور سرمہ لگانے سے روزہ فاسد نہیں ہوگا اگر چہ دوا اور سرمہ کا اثر حلق کے اندر محسوس ہو، احکام شرعیہ کی بنیاد جدید تحقیق پر نہیں بلکہ اس کے اصول وضوابط پر ہے۔ محیط برہانی میں ہے : " واما لو اکتحل او اقطر شیئا من الدوا فی عینه لا یفسد صومه عندنا وان وجد طعمه ذلك في حلقه" اھ (المحیط البرھانی : ج:2، ص: 556، کتاب الصوم، الفصل الرابع) فتاوٰی ہندیہ میں ہے : " لو اقطر شيئا من الدواء في عينه لا يفطر صومه عندنا وان وجد طعمه في حلقه واذا بزق فریٰ الكحل ولونه في بزاقه عامة النشايخ على انه لا يفسد صومه كذا في الذخيرة وهو الاصح هكذا في التبيين " اھ (الفتاوٰی الھندیۃ : ج: 1، ص: 224، کتاب الصوم، باب فیما یفسد الصوم و مالا یفسد) بحر الرائق شرح کنز الدقائق میں ہے : وکذا لو صب فی عینه لبن او دواء مع الدھن فوجد طعمه او مرارته فی حلقه لا یفسد صومه ھٰکذا فی الظھیریۃ و فی الولوالجیۃ" اھ (بحر الرائق شرح کنز الدقائق ج: 2، ص: 406، باب ما یفسد الصوم ومالا یفسد الصوم ) بہار شریعت میں ہے : " تیل یا سرمہ لگایا تو روزہ نہ گیا اگر چہ تیل یا سرمہ کا مزہ حلق میں محسوس ہوتا ہو بلکہ تھوک میں سرمہ کا رنگ بھی دکھائی دیتا ہو جب بھی نہیں ٹوٹا" اھ (بہار شریعت : ج: 1، ح: 5، ص: 982)والله تعالٰی اعلم <span style="color: #339966;"><strong>کتبـــــــــہ: عبدالقادر المصباحی الجامعی</strong></span> <span style="color: #339966;"><strong>مقام : مہیپت گنج، ضلع : گونڈہ، یو پی، انڈیا</strong></span> <span style="color: #339966;"><strong>١٩،شعبان المعظم ١٤٤٣ھ</strong></span>