<h2>اگر شوہر اعتراف کرتا ہو تو فون اور واٹس اپ کے ذریعہ دی گئی طلاق واقع ہوجائے گی</h2> السلام علیکم ورحمۃ اللہ وبرکاتہ کیا فرماتے ہیں علماء دین و مفتیان شرع مندر ذیل مسئلہ میں ٹیلیفون کے ذریعہ طلاق دینے سے طلاق واقع ہوگی یا نہیں ؟ یا واٹس اپ پر لکھ سے طلاق ہوگی یا نہیں؟ محمد حمید رضا <span style="color: #ff0000;"><strong>الجوابـــــــــــــــــــــ</strong></span> اگر شوہر اعتراف کرتا ہو کہ اس نے فون پر اپنی بیوی کو طلاق دی ہے تو طلاق ثابت ہوجائے گی اور اگر شوہر انکار کرے کہ اس نے فون پر طلاق نہیں دی ہے تو اگرچہ اس کی ریکارڈنگ یا ویڈیو گرافی موجود ہو طلاق کا ثبوت نہ ہوپائے گا۔ یوں ہی اگر شوہر واٹس اپ سے طلاق دینے کا اقرار کرتا ہو تو طلاق ہوجائے گی اور اگر انکار کرتا ہو تو طلاق کا ثبوت نہ ہوگا۔ واللہ سبحانہ و تعالی اعلم <span style="color: #339966;"><strong>کتبہ: محمد نظام الدین قادری، خادم درس و افتاء دارالعلوم علیمیہ جمدا شاہی، بستی۔ یوپی۔</strong></span> <span style="color: #339966;"><strong>٢/شوال المکرم</strong></span> <span style="color: #339966;"><strong>١۴۴٣ھ// ۴/مئی ٢٠٢٢ء</strong></span>