<h3>بچہ نے گھر میں پیشاب کیا وہ جگہ بغیر دھوپ کے سوکھ گئی تو پاک ہوئی یا نہیں؟</h3> سوال : چھوٹے بچوں نے گھر میں پیشاب کردیا جو بغیر دھوپ کے سوکھ گیا تو جگہ پاک ہوئی یا نہیں اور وہاں نماز پڑھنا جائز ہے یا نہیں؟ بینوا و توجروا ۔ <span style="color: #ff0000;"><strong>الجوابــــــــــــــــــــــ</strong></span> وہ جگہ سوکھنے سے پاک ہو گئی جبکہ نجاست کا اثر ختم ہو گیا ہو اور وہاں نماز پڑھنا بھی جائز ہے. جیسا کہ حضرت صدر الشریعہ علیہ الرحمہ نے فرمایا'' ناپاک زمین اگر خشک ہو جائے اور نجاست کا اثر یعنی رنگ و بو جاتا رہا پاک ہو گئی. خواہ وہ ہوا سے سوکھی ہو یا دھوپ سے یا آگ سے، مگر اس پر <a href="https://masailworld.com/gobar-se-leepi-hui-zameen-se-tayammum-karna-kaisa-hai/"><strong>تیمم</strong></a> کرنا جائز نہیں نماز اس پر پڑھ سکتے ہیں.(بہار شریعت حصہ دوم صفحہ ١٠٦) اور فتاویٰ عالمگیری جلد اول صفحہ 44 پر ہے <span style="color: #ff0000;"><strong>'' الارض تطھر بالیبس وذھاب الاثر للصلاۃ للتیمم ھکذا فی الکافی. ولا فرق بین الجفاف بالشمس والنار والریح والظل کذا فی البحر الرائق. ١ھ</strong></span> واللہ تعالی اعلم ۔ <span style="color: #339966;"><strong>کتبہ : مفتی محمد شبیر عالم مصبـــــــــــــاحی</strong></span> <span style="color: #339966;"><strong>الجواب صحیح : مفتی جلال الدین احمد الامجدی</strong></span>