<h3>بیوی کو طلاق نامہ لکھا اور اس میں بیوی کی جگہ اس کی بہن کا نام لکھا تو ؟</h3> کیا فرماتے ہیں مفتیان دین و ملت اس مسئلہ میں کہ زید نے اپنی بیوی کے لئے طلاق نامہ لکھا اس نے اپنی بیوی کی بجائے اس کی بہن کا نام لکھا اور زبان سے کہتا ہے کہ مین نے اپنی بیوی کو طلاق دی ہے تو اس کی بیوی پر طلاق پڑی یا نہیں ؟ بینوا توجروا۔ <span style="color: #ff0000;"><strong>الجوابــــــــــــــــــــــــــــ</strong></span> صورت مسئولہ میں زید نے اگرچہ طلاق نامہ میں اپنی بیوی کی بہن کا نام لکھ دیا لیکن جب کہ وہ اپنی زبان سے کہتا ہے کہ میں نے اپنی بیوی کو طلاق دی تو اس کی بیوی پر <a href="https://masailworld.com/apni-bivi-ko-talaq-likha-to-talaq-hogi-ya-nahi/"><strong>طلاق</strong></a> پڑ گئی ۔ عدت گزارنے کے بعد دوسرا نکاح کرسکتی ہے ۔ والله تعالى اعلم. <span style="color: #339966;"><strong>كتبہ : مفتی جلال الدين احمد الامجدي</strong></span>