<h2>بیٹھ کر نماز پڑھنے والا رکوع کیسے کرے ؟</h2> سوال : بیٹھ کر نماز پڑھے تو رکوع میں کتنا جھکے؟ اور اس حالت میں اگر سرین اٹھائے تو کیا حکم ہے؟ <span style="color: #ff0000;"><strong>الجوابـــــــــــــــــــــــــــــــ</strong></span> بیٹھ کر نماز پڑھے تو رکوع کا درجہ کمال و طریقہ اعتدال یہ ہے کہ پیشانی جھک کر گھٹنوں کے مقابل آ جائے. علامہ شامی رحمۃ اللہ تعالی علیہ تحریر فرماتے ہیں <span style="color: #ff0000;"><strong>في حاشيه الفتال عن البرجندي لو كان يصلي قاعدا ينبغي ان يحاذي جبهته قدام ركبتيه ليحصل الركوع ١ھ قلت ولعله محمول على تمام الركوع والا فقد علمت حصوله باصل طاطاۃ الراس مع انحناء الظھر تامل (رد المحتار جلد اول صفحہ 300)</strong></span> اس حالت میں سرین اٹھانا فعل عبث ہے جو کم سے کم مکروہ تنزیہی ضرور ہے ۔ هكذا قال الامام احمد رضا البریلوی في الجزء الثالث من الفتاوى الرضويه ۔ هذا ما عندي وهو اعلم بالصواب <span style="color: #339966;"><strong>کتبــــــــــہ : مفتی جلال الدین احمد الامجـــــدی</strong></span> <span style="color: #339966;"><strong>ماخوذ از فتاویٰ فیض الرسول جلد 1 صفحہ 250</strong></span>