<h3>حاجی پر بقرہ عید کی قربانی واجب ہے یا نہیں؟</h3> سوال:- حج کے لیے جانے والے پر بقرہ عید کی قربانی واجب ہے یا نہیں؟ باسمه تعالى وتقدس <span style="color: #ff0000;"><strong>الجواب بعون الملك الوهاب</strong></span> حاجی اگر شرعا مسافر ہو تو اس پر قربانی واجب نہیں اور اگر مقیم ہو تو واجب ہے جیسے مکہ شریف کے رہنے والے حج کریں تو چونکہ یہ لوگ مسافر نہیں اس لیے ان پر قربانی واجب ہوگی ۔ درمختار میں ہے "فلا تجب علی حاج مسافر :فأما أهل مكة فتلزمهم وان حجوا"(ج۹ ص ۴۵۷) اور ردالمحتار میں ہے "فتلزمهم وان حجوا اقتصر عليه فى البدائع وذالك لأنهم مقيمون"(ج ۹ ص ۴۵۷) اور بدائع الصنائع میں ہے "وذكر في "الأصل" وقال: ولا تجب الأضحية على الحاج وأراد بالحاج المسافر،فأما أهل مكة فتجب عليهم الأضحية"(ج ۴ ص ۱۹۵) والله تعالی أعلم بالصواب <span style="color: #339966;"><strong>کتبہ:- محمد ارشاد رضا علیمی غفرلہ المتخصص فی الفقہ الاسلامی بدار العلوم العلیمیہ</strong></span> <span style="color: #339966;"><strong>الجواب صحيح محمد اختر حسین قادری خادم افتا ودرس دار العلوم علیمیہ جمدا شاہی</strong></span>