<p style="text-align: center;">بسم اللہ الرحمن الرحیم</p> کیا فرماتے ہیں علمائے دین و مفتیان شرع متین مسئلہ ذیل میں کہ حضو صلی اللہ علیہ وسلم کو کالی کملی والا کہنا کیسا ہے ۔ المستفتی :محمد شفیق خان نظامی <h2>حضور صلی اللہ علیہ وسلم کو کالی کملی والا کہنا کیسا ہے محمد محفوظ عالم رضوی علیمی</h2> باسمہ تعالی وتقدس الجواب بعون الملک الوہاب کملی یہ کلمات تصغیر میں سے ہے فیروز اللغات میں ہے :"کملی -کمل کی تصغیر ۔ چھوٹا کمل اور حضور صلی اللہ علیہ وسلم کی شان اقدس میں کلمات تصغیر کا استعمال سوء ادب اور ناجائز ہے ۔ ایسے کلمات کا استعمال بارگاہ رسالت مآب میں شرعا ممنوع اور نا جائز ہے چنانچہ حضور صدرالشریعہ بدر الطریقہ علامہ امجد علی اعظمی قدس سرہ ارشاد فرماتے ہیں :"جو شی حضور علیہ السلام کی طرف منسوب ہو وہ معظم ہو جاتی ہے ,نہ کہ کمل سے کملیا کر دیا جائے ایسے الفاظ سے بھی بچنا چاہیے " (فتاوی امجدیہ جلد دوم صفحہ 240 ) حضور تاج الشریعہ رحمۃ اللہ علیہ ان کلمات کے متعلق ارشاد فرماتے ہیں :"(ایسے کلمات میں ) توہین کا ایہام ہے بلکہ صیغہ اہانت میں ظاہر ہے لہذا اس کا اطلاق نا جائز و حرام ہے اور متکلم پر توبہ لازم ہے " (فتاوی تاج الشریعہ جلد اول صفحہ 308) ایک اور مقام پر یوں رقم طراز ہیں :"کملی تصغیر کا لفظ ہے اور سرکار ابد قرار علیہ الصلاۃ والسلام سے منسوب کسی چیز کی تصغیر اگرچہ ازراہ محبت ہو ,بوجہ ایہام و سوء ادب جائز نہیں ہے " (فتاوی تاج الشریعہ جلد اول صفحہ 356) واللہ تعالی اعلم بالصواب ✍🏽<em><strong> کتبہ :محمد محفوظ عالم رضوی علیمی (کولکاتا)</strong></em> <!--more--> <h2 class="entry-title"><a href="https://urdu.masailworld.com/?p=314" rel="bookmark">عید کی نماز گھر پر قائم کر سکتے ہیں یا نہیں از محمد محفوظ عالم رضوی</a></h2>