<h2>دوران اذان واش روم جانا کیسا ہے ؟</h2> السلام علیکم و رحمۃ اللہ و برکاتہ.. کیا فرماتے ہیں علمائے کرام اس مسئلہ کے بارے میں کہ دوران اذان واشروم میں جانے کا کیاشرعی حکم ہے؟ سائل محمد عمران عطاری ملتان وعلیکم السلام ورحمتہ اللہ وبرکاتہ <span style="color: #ff0000;"><strong>اَلْجَوَابُ بِعَوْنِ الْمَلِكِ الْوَھَّاب</strong></span> دوران اذان واشروم وغیرہ میں جانے سے پرہیز ہی کرنا چاہئیے تاکہ اذان کا جواب دے کر ملنے والی نیکیاں حاصل کر سکے، لیکن حاجت کے وقت اگر کوئی واشروم میں چلا بھی جاتاہے توگناہ گار نہیں ہوگا. رسالہ فیضان اذان میں ہے : اذان کے دوران استنجاخانے جانا بہتر نہیں، کیونکہ وہاں اذان کا جواب نہ دے سکے گا، اور یہ بہت بڑے ثواب سے محرومی ہے ۔ البتہ شدید حاجت ہو یا جماعت جانے کا اندیشہ ہو تو چلا جائے ۔ (فیضان اذان صفحہ13-مکتبۃ المدینہ کراچی) واللہ اعلم عزوجل ورسولہ اعلم ﷺ <span style="color: #339966;"><strong>کتبــــــــــــــــــــــہ : ابورضا محمد عمران عطاری مدنی</strong></span>