<h2>شوہر نے کہا تو میری بیوی نہیں تو طلاق ہوگی یا نہیں ؟</h2> مسئلہ:- از: حاجی عبد الغفار صاحب نوری بابا ، اندور ، ایم۔پی سوال : زید نے اپنی منکوحہ سے کہا تو میری بیوی نہیں ۔ تو اس جملہ سے طلاق واقع ہوئی یا نہیں؟ بینوا توجروا۔ <span style="color: #ff0000;"><strong>الجوابــــــــــــــــــــــــــ</strong></span> یہ جملہ کہ " تو میری بیوی نہیں " مذہب مختار پر بالکلیہ الفاظ طلاق سے نہیں ۔ یہاں تک کہ بہ نیت طلاق کہا ہو جب بھی طلاق واقع نہیں ہوگی فتاوی عالمگیری میں ہے :<span style="color: #ff0000;"><strong>" لو قال توزن من نئ لا یقع وان نوی</strong></span> ۔ ھو المختار کذا فی جواھر الخلاطی ۔اھ ملخصا" (فتاوی رضویہ جلد پنجم صفحہ ۷۲٦) واللہ تعالیٰ اعلم۔ <span style="color: #339966;"><strong>الجواب الصحیح: جلال الدین احمد الامجدی</strong></span> <span style="color: #339966;"><strong>کتبہ: محمد سمیر الدین حبیبی مصباحی۔</strong></span>