<h2><span style="font-size: 14pt;">ضآد کو ظاد پڑھنا کیسا ہے؟</span></h2> <span style="font-size: 14pt;">کیا فرماتے ہیں علمائے کرام اس مسئلہ کے متعلق کہ ضاد کو ظاد پڑھنا کیسا ہے؟</span> <span style="font-size: 14pt;">سائل محمد ارشد خوشاب</span> <span style="color: #ff0000;"><strong><span style="font-size: 14pt;">الجواب</span></strong></span> <span style="font-size: 14pt;"> مذکورہ صورت میں ضآد کو ظاد پڑھنا ناجائز و حرام ہے کیونکہ یہ عربی لفظ ہے اور عربی میں ضاد ہی پڑھا جائے گا-</span> <span style="font-size: 14pt;">(سیدی اعلیٰ حضرت امام احمد رضا خان رحمۃ اللہ تعالیٰ علیہ تحریر فرماتے ہیں، ض،ظ،ذ،ز سب حروف متبائنہ،متغائرہ(یعنی ایک دوسرے سے جدا جدا حروف)ہیں، ان میں سے کسی کو دوسرے سے تلاوتِ قرآن میں قصداََ بدلنا، اِس کی جگہ اُسے پڑھنا، نماز میں ہو خواہ بیرون نماز، حرام قطعی وگناہِ عظیم،اِفْتِراء عَلَی اللہ و تحریف ِکتاب کریم ہے-</span> <span style="font-size: 14pt;">(فتاویٰ رضویہ جلد،6 صفحہ305- رضا فاؤنڈیشن لاہور)</span> <span style="font-size: 14pt;">اس مسئلے کے بارے میں دلائل کے ساتھ تفصیلی معلومات حاصل کرنے کے لئے فتاویٰ رضویہ کی چھٹی جلد میں موجود ان رسائل کا مطالعہ فرمائیں: (۱) نِعْمَ الزَّادْ لِرَوْمِ الضَّادْ۔(ضاد کی ادائیگی کا بہترین طریقہ)(۲)اِلْجَامُ الصَّادْ عَنْ سُنَنِ الضَّادْ۔(ضاد کی ادائیگی کے غلط اور صحیح طریقوں کا بیان)</span> <span style="font-size: 14pt;">واللہ اعلم عزوجل و ر سولہ اعلم ﷺ</span> <span style="font-size: 14pt;">کتبہ :ابو رضا محمد عمران عطاری مدنی متخصص فی الفقہ</span>