<h2>عقیدہ کسے کہتے ہیں اور اسکی کتنی قسمیں ہیں؟</h2> سوال:- کیا فرماتے ہیں علمائے دین و مفتیان شرع متین مسئلہ ذیل میں کہ عقیدہ کسے کہتے ہیں اور اسکی کتنی قسمیں ہیں؟ باسمه تعالى وتقدس <span style="color: #ff0000;"><strong>الجواب بعون الملك الوهاب:</strong></span> عقیدہ وہ حکم ہے جس کی تصدیق کی جائے،کبھی نفس تصدیق کو بھی عقیدہ کہا جاتا ہے اور عقیدہ کی دو قسمیں ہیں: (۱)جس کو ثابت کرنے میں عقل مستقل نہ ہو جیسے عذاب قبر،حوض کوثر،پل صراط،شفاعت وغیرہ ۔ (۲)جس کو ثابت کرنے میں عقل مستقل ہو جیسے واجب الوجود،وحدت الوجود،اللہ رب العزت کا علم وقدرت اور حدوث عالم، جیسا کہ النبراس میں ہے :  "والعقائدجمع عقيدة وهى القضية التى يصدق بها وقد تطلق على نفس التصديق فلان العقائدقسمان قسم لا يستقل العقل باثباته كعذاب القبر والحوض والصراط والشفاعة وتوقفه على النصوص ظاهر وقسم يستقل باثباته كوجودالواجب ووحدته وقدرته وحدوث العالم،ملتقطا"(النبراس ص۱۰) واللہ تعالی اعلم بالصواب <span style="color: #339966;"><strong>کتبہ: محمد ارشاد رضا علیمی غفرلہ المتخصص فی الفقہ الاسلامى بدارالعلوم العلیمیہ</strong></span> <span style="color: #339966;"><strong>الجواب صحیح محمد اختر حسین قادری خادم افتاودرس دارالعلوم علیمیہ جمداشاہی بستی یوپی</strong></span>