<h3>لاؤ کاغذ میں میں ابھی طلاق دیتا ہوں یا میں طلاق دے سکتا ہوں تو کیا حکم ہے ؟</h3> سوال :اقبال احمد بن محمد رضا مرحوم ساکن گائے گھاٹ بازار ضلع بستی نے میرے اور چند نمازی مسلمانوں کے سامنے اوجھا گنج کی جامع مسجد کے ممبر پر ہاتھ رکھ کر یوں بیان دیا کہ میں اللہ کی قسم کھا کر کہتا ہوں کہ میں نے یا تو یہ کہا ہے کہ لاؤ کاغذ میں میں ابھی طلاق دیتا ہوں اور یا تو یہ کہا ہے کہ میں طلاق دے سکتا ہوں اور یا تو یہ کہا کہ میں طلاق دے دوں گا۔ پس اگر میرا یہ بیان جھوٹا ہو تو غازی میاں مجھے کوئی اور اندھا کر دیں۔ <span style="color: #ff0000;"><strong>الجوابـــــــــــــــــــــــــــ</strong></span> اقبال احمد نے جب اس طرح حلفیہ بیان دیا تو اسے صحیح مان لیا گیا اور مذکورہ بالا تین جملوں میں سے کسی جملہ سے بھی اس کی بیوی پر طلاق نہیں پڑی اس لیے وقوع <a href="https://masailworld.com/shauhar-ne-talaq-ki-jhooti-khabar-di-to-kya-hukm-hai/"><strong>طلاق</strong></a> کا حکم نہیں کیا گیا وہ بدستور سابق اقبال احمد کی بیوی ہے۔ واللہ تعالیٰ اعلم۔ <span style="color: #339966;"><strong>كتبه: مفتی جلال الدين احمد الامجدي</strong></span>