<h2>لائٹ سولر وغیرہ اگر گورنمنٹ کی طرف سے مساجد میں لگوانے کے لئے مفت میں دیا جائے تو اس کا لگانا کیسا؟</h2> <span style="font-size: 18pt;">سوال : علماء کرام کی بارگاہ میں ایک عریضہ پیش خدمت ہے کہ اگر کوئی چیز یعنی لائٹ سولر وغیرہ اگر گورنمنٹ کی طرف سے مساجد میں لگوانے کے لئے مفت میں دی جائے تو کیا اس کا لگانا شرعا جائز ہے کہ نہیں جواب سے آگاہ کریں ؟؟</span> <span style="color: #ff0000;"><strong><span style="font-size: 18pt;">الجواب اللھم ھدایۃ الحق والصواب</span></strong></span> <span style="font-size: 18pt;">گورنمنٹ کی طرف سے فراہم کردہ بجلی یا کوئی دیگر سامان کا استعمال مسجد و مدرسہ وغیرہ میں کرسکتے ہیں کوئی مضائقہ نہیں  ۔</span> <span style="font-size: 18pt;">اس کے متعلق (" فتاویٰ مرکز تربیت افتاء" ج: (٢) ص: (١٩٥) پر ہے کہ )</span> <span style="font-size: 18pt;">" میونسپلٹی فنڈ, یا ایم ایل اے, یا ایم پی, یادیگر اور کسی بھی سرکاری فنڈ کی رقم سے مسجد بنانا, یا مسجد کا وضو خانہ, مسجد کی چہار دیواری ( باؤنڈری وال) یا مسجد کا بیت الخلاء وغیرہ بنوانا درست ہے -</span> <span style="font-size: 18pt;">کیونکہ گورنمنٹ کے خزانہ سے جاری رقم ہمیں میونسپلٹی کے ذریعے ملے یا ایم پی, ایم ایل اے کے ذریعہ اسے مسجد کی تعمیر و مرمت کے لئے لینا اور مسجد میں صرف کرنا جائز و درست ہے -</span> <span style="font-size: 18pt;">اعلی حضرت امام احمد رضا خان بریلوی رضی اللہ عنہ فرماتے ہیں کہ :</span> <span style="font-size: 18pt;">' خزانہ والئ ملک کی ذاتی ملک نہیں ہوتا اس کے لینے میں حرج نہیں - جب کہ کسی مصلحت شرعیہ کے خلاف نہ ہو '</span> <span style="font-size: 18pt;">("فتاوی رضویہ" ج :(٦) ص: (۴۶۰)</span> <span style="font-size: 18pt;">وَاللہُ اَعْلَمُ وَ رَسُوْلُہٗ اَعْلَم عَزَّوَجَلَّ وَ صَلَّی اللّٰہُ تَعَالی علیہ وسلم</span> <strong><span style="font-size: 18pt;">کتبہ:محمدرضا مرکزی</span></strong> <strong><span style="font-size: 18pt;">خادم التدریس والافتا</span></strong> <strong><span style="font-size: 18pt;">الجامعۃ القادریہ نجم العلوم مالیگاؤں</span></strong>