<h2>ٹی شرٹ پہن کر نماز پڑھنا کیسا ہے ؟</h2> سوال : ٹی شرٹ یعنی ہاف آستین والا کپڑا پہن کر نماز پڑھنا کیسا ہے نماز ہوگی یانہیں ؟ <span style="color: #ff0000;"><strong>الجواب بعون الملک الوھاب</strong></span> آدھی آستین والا کپڑا پہن کر نماز پڑھنا مکروہ تنزیہی ہے جبکہ فل آستین والا کپڑا موجود ہو ورنہ حرج نہیں۔ حضور صدرالشریعہ علیہ الرحمہ تحریر فرماتے ہیں:" جس کے پاس کپڑے ہوں اور صرف نیم آستین (یعنی آدھی آستین) یا بنیان پہن کر نماز پڑھتا ہے تو کراہت تنزیہی ہے اور کپڑے موجود نہیں تو کراہت بھی نہیں معاف ہے "اھ (فتاویٰ امجدیہ ج١ ص١٩٣کتاب الصلاۃ باب مکروہات الصلاۃ) فتاوي مرکز تربیت افتاء میں ہے:" ہاف شرٹ یا ٹی شرٹ جس کی آستین کہنی سے اوپر تک رہتی ہے پہن کر نماز پڑھنا مکروہ تنزیہی ہے۔ (ج١ ص٢٣٨ کتاب الصلاۃ باب مایکرہ فی الصلاۃ)۔ واللہ اعلم بالصواب۔ <span style="color: #339966;"><strong>کتبہ گدائے حضور رئیس ملت محمد صدام حسین برکاتی فیضی میرانی</strong></span> <span style="color: #339966;"><strong>خادم میرانی دار الافتاء</strong></span>