<h3>چار رکعت والی نماز میں تیسری پر بھول کر قعدہ کیا اور آخر میں سجدہ سہو کیا تو؟</h3> سوال : کیا فرماتے ہیں علمائے دین اس مسئلہ میں کہ امام نے چار رکعت والی نماز میں دو رکعت پر قعدہ کرنے کے بعد پھر بھول کر تیسری رکعت میں بھی قعدہ کیا پھر تشہد کے بعد کھڑے ہوکر ایک رکعت اور پڑھ کر آخر میں سجدہ سہو کیا تو نماز صحیح ہے یا نہیں؟ بینوا و توجروا ۔ <span style="color: #ff0000;"><strong>الجوابــــــــــــــــــ</strong></span> چار رکعت والی نماز میں تیسری پر قعدہ نہ ہونا واجب ہے جیسا کہ در مختار جلد اول صفحہ 346 پر بیان واجبات میں ہے <span style="color: #ff0000;"><strong>'' ترک قعود قبل ثانیۃ او رابعۃ ''</strong></span> اور واجب کے چھوٹنے سے سجدہ سہو لازم ہے. در مختار جلد اول صفحہ 543 میں ہے <span style="color: #ff0000;"><strong>'' یجب سجدتان بترک واجب سھوا ''</strong></span> لہذا صورت مسئولہ میں جب کہ امام سے ترک واجب ہوا اور اس نے آخر میں <a href="https://masailworld.com/sajda-e-sahw-kab-saqit-ho-jata-hai/"><strong>سجدہ سہو</strong></a> کر لیا تو اس کی نماز صحیح ہوگئی. واللہ تعالی اعلم <span style="color: #339966;"><strong>کتبہ : مفتی خورشید احمد مصباحی</strong></span> <span style="color: #339966;"><strong>الجواب صحیح : مفتی جلال الدین احمد الامجدی</strong></span>