<h2>کسی صحابی کی صحابیت کے منکر کا کیا حکم ہے؟</h2> سوال:- کسی صحابی کی صحابیت کا منکر کیا ہے؟ <span style="color: #ff0000;"><strong>الجواب بعون الملك الوهاب:</strong></span> جن صحابہ کرام رضوان اللہ تعالی علیہم اجمعین کی صحابیت نص سے ثابت ہے ان کی صحابیت کا منکر کافر ہے جیسے کہ حضرت صدیق اکبر رضی اللہ تعالی عنہ کہ ان کی صحابیت نص(اذ یقول لصاحبه لا تحزن ان الله معنا)سے ثابت ہے اور ان کے علاوہ دیگر صحابہ کرام رضوان اللہ تعالی علیہم اجمعین جن کی صحابیت نص سے ثابت نہیں ان کی صحابیت کا منکر کافرتو نہیں البتہ گمراہ ضرور ہے ۔ شرح فقہ اکبر میں ہے "فقد أجعوا على ان من انكر صحبة ابى بكر الصديق كفر بخلاف انكار صحبة غيره لورود النص فى حقه"(ص 115) اور فتاوی علیمیہ میں ہے "جن کی صحابیت نص سے ثابت ہے ان کی صحابیت کا انکار کفر ہے،اور ان کے علاوہ کی صحابیت کا انکار کفر تو نہیں مگر گمراہی ضرور ہے"(ج2 ص289) اور فقہائے کرام کے اصح قول کے مطابق جس طرح حضرت ابو بکر صدیق رضی اللہ تعالی عنہ کی صحابیت کا منکر کافر ہے یونہی حضرت عمر رضی اللہ تعالی عنہ کی صحابیت کا منکر بھی کافر ہے ۔ مجمع الأنهر شرح ملتقی الأبحر میں ہے ۔ "يكفر بانكاره صحبة ابى بكر رضى الله تعالى عنه وبانكاره امامته على الاصح وبانكاره صحبة عمر رضى الله تعالى عنه على الاصح"(ج2 ص 507) والله تعالى اعلم بالصواب <span style="color: #339966;"><strong>کتبہ: محمد ارشاد رضا علیمی غفرلہ المتخصص فی الفقہ الاسلامی بدارالعلوم العلیمیہ</strong></span> <span style="color: #339966;"><strong>الجواب صحيح والمجيب نجيح </strong></span> <span style="color: #339966;"><strong>محمد اختر حسین قادری خادم افتاودرس دارالعلوم علیمیہ جمدا شاہی بستی یوپی</strong></span>