<h2>کہا اپنی بیوی کو طلاق دی دی دی تو کونسی طلاق پڑی؟</h2> مسئلہ:- از: حاجی عبد العزیز نوری ، ہاتھی پالا اندور ، ایم پی۔ کیا فرماتے ہیں علمائے دین و مفتیان شرع متین اس مسئلہ میں کہ زید نے کہا میں نے اپنی بیوی کو طلاق دی دی دی تو کون سی طلاق واقع ہوئی؟ <span style="color: #ff0000;"><strong>الجوابـــــــــــــــــــــــــــ</strong></span> لفظ دی کی تین بار تکرار سے طلاق مغلظہ واقع ہو جاتی ہے ۔ ایسا ہی فتاویٰ رضویہ جلد پنجم صفحہ ٦٥٩ پر ہے ۔ لہذا اگر وہ زید کی مدخولہ ہے تو اس پر طلاق مغلظہ پڑ گئی اب زید بغیر حلالہ اس سے نکاح نہیں کر سکتا ۔۔ قال الله تعالى :<strong>" فان طلقها فلا تحل له من بعد حتى تنكح زوجا غيره."</strong> (ب۲ سورہ بقرہ آیت ۲۳۰) اور اگر وہ غیر مدخولہ ہے تو ایک طلاق بائن پڑی۔ حضرت علامہ حصکفی رحمۃ اللہ تعالی علیہ تحریر فرماتے ہیں :<span style="color: #ff0000;"><strong>" قال لزوجته غير المدخول بها انت طالق ثلاثا وقعن وان فرق بانت بالاولي ."</strong></span> اس صورت میں عورت کی مرضی سے نئے مہر کے ساتھ دوبارہ نکاح کر سکتا ہے حلالہ کی ضرورت نہیں. والله تعالى اعلم بالصواب. <span style="color: #339966;"><strong>الجواب الصحيح: جلال الدين احمد الامجدي</strong></span> <span style="color: #339966;"><strong>كتبــــــــــــــــــه: محمد عبد الحي قادري</strong></span>