<h2>Asar ki namaz rakat</h2> <ul> <li>Asar ke waqt me kul kitni rakat namaz hoti hai.? <em><strong>Ans</strong></em>. Asar me kul 8 rakat namaz hai. Pahle 4 rakat namaz sunnat e gair moakkada phir 4 rakat namaz farz.</li> </ul> <h2>Asar ki Namaz ki niyat kaise karna chahiye ?</h2> <ul> <li><strong>Asar ki sunnat namaz ki niyat kis tarah karna chahiye?</strong> <em><strong>Ans.</strong></em> Niyat ki main ne 4 rakat namaz sunnat Allah tala ke liye, sunnat rasoolullah ki munh mera kaba shareef ki taraf Allahu akbar.</li> <li><strong>Asar ki farz namaz ki niyat kaise ki jati hai?</strong> Ans. Niyat ki main ne 4 rakat namaz e asar ki waste Allah tala ke ( Muqtadi itna aur kahe) peeche is imam ke munh mera kaba shareef ki taraf Allahu Akbar.</li> </ul> <h2>Asar ki 4 Rakat Sunnat Namaz ka tarika</h2> Niyat bandhne ke baad sab se pahle Sana padhe . Phir Auzubillah aur bismillah ke baad Surah Fatiha ki tilawat kare . After that  koi surat milaye jo achchi tarah yaad ho . Ya aisi koi aik Ayat padhen jo 3 choti ayaton ke barabar ho . Phir Allahu Akbar kahta hua Ruku me jaye Aur kam se kam 3 baar ruku ki tasbeeh padhe . Yani Subhana Rabbiyal Azeem padhe . Samialllahu liman hamidah kahta hua khada ho jaye . Allahuakbar kahta hua Sajde me Jaye . Sajde me Kam se kam 3 baar tasbeeh yani Subhan Rabbiyal aala padhe . Uske baad doosre sajde me Allahu akbar kahta hua jaye aur isme bhi 3 tasbeeh padhe . Dono sajde complete karne ke baad 2sri rakat ke liye Allahu akbar kahta hua khada ho jaye . Surah fatiha ki tilawat ke baad soorat milaye . Phir pahli hi rakat ki tarah Ruku Aur Sajda kare . Do Rakat par Qaada kare . Isi tarah 4 Rakat Namaz ada kare . Sunnat ki har rakat me Surah Fatiha ke baad surat milaye . 4 Rakat mukammal hone ke baad qaada kare . Usme Attahiyyat , Durood e Ibrahim aur Dua e masoora padh kar salam pher de .   <h2>Asar ki 4 Rakat Farz Namaz ka Tarika Hindi me</h2> Niyat bandhne ke baad sab se pahle Sana padhe . Phir Auzubillah aur bismillah ke baad Surah Fatiha ki tilawat kare . Uske baad koi surat milaye jo achchi tarah yaad ho . Ya aisi koi aik Ayat padhen jo 3 choti ayaton ke barabar ho . Phir Allahu Akbar kahta hua Ruku me jaye Aur kam se kam 3 baar ruku ki tasbeeh padhe . Yani Subhana Rabbiyal Azeem padhe . Samialllahu liman hamidah kahta hua khada ho jaye . Allahuakbar kahta hua Sajde me Jaye . Sajde me Kam se kam 3 baar tasbeeh yani Subhan Rabbiyal aala padhe . Uske baad doosre sajde me Allahu akbar kahta hua jaye aur isme bhi 3 tasbeeh padhe . Doosari Rakat me Surah Fatiha ke baad soorat milaye . Aur pahli rakat ki tarah Ruku aur sajda kare . Do Rakat par Qada ke liye baith jaye . Attahiyyat padh kar Allahu Akbar kahta hua khada ho jaye  . Teesari aur chauthi rakat me Sirf Surah fatiha padhe . Soorat nahi milana hai . 4 Rakat Complete hone ke baad qaada kare . Usme Attahiyyat , Durood e Ibrahim aur Dua e masoora padh kar salam pher de . <span style="color: #ff0000;"><strong>Note :</strong></span> Imam ke Peeche Muqtadi ko qirat nahi karna hai . Sana padhne ke baad khamoshi se khade Rahna hai . Niyat me bhi thoda farq rahega , Jab Imam ke peeche padhe to niyat me itna aur badha de Peeche Is Imam ke Muh mera kaaba Shareef ki taraf Allahu Akbar . <h3>Asar ki Namaz ki fazilat</h3> Beech wali Namaz ki Fazilat ke bare me Huzoor ne Irshad farmaya : Jis ne  Asar chodi uske aamal batil ho gaye . Isi Tarah Allah tala ne Quran me Asar ki fazilat ko bayan farmaya . Namazo ki pabandi karo specially Namaz e Asar ki pabandi karo . Huzoor Irshad farmate hain . Jis ne Fajar aur Asar ki namaz ada ki wo jahnnam me dakhil nahi hoga . Huzoor Irshad farmate hain . Har namaz doosre namaz ke beech ke gunahon ko dho deti hai . <!--more--> <h4><a href="https://masailworld.com/zohar-ki-namaz-ki-rakat-aur-padhne-ka-sahi-tarika-in-hindi/" rel="bookmark">Zohar ki Namaz ki rakat aur padhne ka Sahi Tarika In Hindi</a></h4> <h4><a href="https://masailworld.com/traveeh-ki-namaz-ka-tareeqa-hindi/" rel="bookmark">Traveeh ki namaz ka tareeqa – hindi</a></h4>