<h2>Roza kise kahte hain / Roze ke masail</h2> Roze ke masail ka janna aap ke liye zaroori hai . isliye aaj aap ko Roze ke masail seekhna hai . Subh e sadiq se lekar guroob-e-aaftab tak ibadat ki niyat se khane peene aur sohbat se ruke rahne ka naam Roza hai . [ Shami 7/312] Arabic me roza rakhne ko '' Saum" aur Roza kholne ko " Iftar" kahte hain . <h2>Roze ki fazilat / Roze ke masail</h2> Allah tala ka irshad hai . Aye iman walo tum par roze farz kar diye gaye hain . Jis tarah tum se pahle logo par farz kiye gaye the , Taki tumhare andar taqwa ho . [Surah Baqra ] Huzoor Sallallahu alaihi wasallam ne irshad farmaya : Aadmi ke har amal ka sawb 10 guna se 700 guna tak badha diya jata hai siwaye roze ke . Roze ke bare me Allah tala irshad farmata hai , Ki wo bande ki taraf se khaas mere liye tohfa hai aur main hi apni marzi ke mutabiq uska ina'am aur sawab dunga . Mera banda meri raza ke waste Apni khwahish w nafs aur apna khana peena chod deta hai .  Rozedar ke liye 2 khushiyan hain . Aik afar ke waqt aur doosri Allah tala se mulaqat ke waqt . Aur rozedar ke muh ki boo Allah tala ke nazdeek mushk ki khushboo se behtar hai . Rasoolulllah ﷺ ne irshad farmaya : Jo aadmi shar'i uzr aur beemari ke bagair Ramzan ka aik roza bhi chod de , Phir wo uski jagah par poori umr ka bhi roza rakhe , To jo cheez faut hogai wo poori ada nahi ho sakti . <h2>Roze ki niyat kaise karen</h2> Roze ke sahih hone ke liye niyat shart hai . Niyat ye hai ki Apne dil me Allah tala ki raza ke liye Roza rakhne ka irada kare . Niyat dil ke irade ka naam hai . agar dil me irada kar le to kaafi hai . Lekin zaban se niyat ke alfaz ka kah lena mustahab hai . <h3>Roze ki niyat ke alfaaz</h3> Nawaitu An asooma gadan lillahi ta'ala min shahri ramzan haaza . <strong>نویت ان اصوم غدا للہ تعالی من شھر رمضان ھذا ۔ </strong> <h2>Roze ki niyat ka waqt /</h2> <h2>Roze ke masail</h2> Ramzan shareef aur sunnat o nafil rozon ki niyat ka waqt guroob-e- aaftab se lekar aadhe din tak hai . Albatta subh-e sadiq se pahle hi niyat kar lena afzal hai . Lihaaza agar koi sehri ka waqt khatam hone ke baad neend se bedar ho to wo bhi bagair khaye piye roza rakh sakta hai . [ Shami 7/ 332 ] <strong>Note . </strong> Aadhe din se murad subh e sadiq se guroob e aaftab taak ka aadha din hai . For example agar 6 baje subh e saadiq ho aur 6 baje guroob e aaftab ho to poora din 12 ghate ka hoga . Aur aadha din 12 baje hoga . To aisi soorat me 12 baje se pahle niyat kar lena zaroori hai . <h2>Kin cheezo se roza toot jata hai</h2> <strong>Mas’ala</strong>. Bhool kar khaya piya, jima kiya roza nahi toota chahe roza farz ho ya nafl Mas’ala. Makkhi, dhuwan, gubar halaq me jane se roza nahi tootega chahe wo gubar aate hi ka kyn na ho jo chakki peesne se udta hai Mas’ala. Tail ya surma lagane se roza nahi tootta chahe tail ya surme ka maza halaq me mahsoos hota ho balki thook me surme ka rang bhi dikhai deta ho tab bhi roza nahi toote ga <strong>Mas’ala</strong>. Ehtilam hojane ya hambistari karne ke baad gusl na kiya aur usi halat me poora din guzar diya to wo namazo ke chodne ki wajah se sakht gunahgaar hoga lekin roza ada ho jayega <strong>Mas’ala</strong>. Injection lagwane se roza nahi tootta chahe rag me lagaya jaye ya gosht me usse roza nahi tootta.. <strong>Mas’ala</strong>. Khoon niklwane ya kahin Zakhm ho jane se roza nahi tootta, ha roza ki halat me khoon nahi niklwana chahiye isliye ki roza ki halat me aisa kaam karna makrooh hai jis se kamzori aaye. Rag ke zariye khoon chadhane se bhi rozza nahi toote ga. <strong>Masa’la</strong>. Manjan karna roza ki halat me makrooh hai balki uska koi zarra halaq se neeche chala gaya to roza toot jayega <strong>Mas’ala</strong>. Bosa liya magar inzal nahi hua to roza nahi tootega. <strong>Masa’la.</strong> Aurat ki taraf balki uski sharamgah ki taraf nazar ki magar haath na lagaya aur mani nikl gai ya baar baar hambistari ke khayal se mani nikl gai to roza nahi toota. <strong>Masa’la</strong>. Til ya til ke bararbar koi cheez chabai aur thook ke saath halaq se utar gai to roza na toota magar us cheez ka maza halaq me mahsoos hota ho to roza toot jatega.   read more ,,,,,,, <a href="https://masailworld.com/kin-cheezo-se-roza-toot-jata-hai/">kin cheezo se roza toot jata hai</a>