Hadees Shareef me tahajjud ki namaz ki badi fazilat aai hai. Ibn e Maja ne riwayat kiya hai Ki , Hizoor ne Irshad farmaya . Jo shakhsh raat me bedar ho aur apne ahl o ayal o jagaye . Phir dono 2/2 rakat namaz ada karen to kasrat se yaad karne walo me likhe jayenge.
Hazrat Abdullah bin Umar se riwayat hai ki , huzoor ne Irshad farmaya . Jannat me aik bala khana hai ki bahar ka andar se dikhai deta hai aur andar ka bahar se. Au Malik ashari ne arz kiya ya Rasoolallah wo kis ke liye hai. farmaya : Us ke liye jo achchi baat kare . Khana khilaye . Aur rat me tahajjud ki namaz ada kare jab log sote hon. [ Bahare Shariat 4/ 23]
Tahajjud ki namaz me kitni rakat hai.
Tahajjud ki namaz kam se kam 2 rakat hai . Aur hadees shareef me huzoor ka mamool 8 rakat hai. Hazrat zaid bin khalid ka bayan hai ki main aat ko huzoor ki namaz ko gaur se dekhna chahta tha . Isliye Huzoor ke darwaze ki chaukhat par takiya lagaye dekhta raha . Aap uthe aur 2 rakat namaz tahajjud ki padhi . Uske baad 2 rakat lambi kar ke padhi. Dekha Phir 2 rakat padha jo usse pahle wali rakaton se kam thi . Phir 2 rakat aap ne padha jo is se bhi choti thi. Phir 2 rakat padha aap ne jo is se bhi choti thi . Uske baad aap ne witr ki namaz ada kiya .
Tahajjud ki namaz ki niyat .
2/2 rakat kar ke tahajjud ki namaz padhna hai . Niyat istarah se karen.
Niyat ki main ne 2 rakat namaz tahajud waste Allah tala ke muh mera kaba shareef ki taraf Allahu Akbar.
Aik baat yaad rakhen Niyat dil ke irade ko kahte hain . Agar aap ne zaban se niyat ke alfaz nahi kahe to bhi namaz ho jayegi. Niyat zaban se kahna mustahab hai.
Kya Tahajjud ki namaz ke liye sona zaroori hai?
Aksar ye sawal logo ki taraf se poocha jata hai . Ki kya tahajjud ki namaz ke liye sona zaroori hai ?
To iska jawab ye hai ki Ji Han . Tahajjud ki namaz ke liye sona zaroori hai . Bagair soye agar koi raat me namaz padhta hai to wo nafil namaz to hogi lekin wo tahajjud ki namaz nahi hogi.
Namaz e tahajjud ka fayda
Tahajjud ki namaz agar ham namaz e fajar se kuch der pahle padhege . To iska hame aik bahut hi aham fayda hoga . Wo ye hai ki ye waqt farishto ki duty badlne ka hota hai . Isliye ki kuch farishte Subah Fajar se asr tak zameen par rahte hain. Aur kuch farishte asar se fajar tak .
Isliye ki jahan Allah ne namaz ki muafazat ka zikr farmaya . Wahan Namaz e asr ka khusosi zikr farmaya . To jab ham tahajjud ki namaz padhenge to din aur raat dono farishton ke register me hamara naam hoga . Jaisa ki huzoor ne irshad farmaya : Aakhiri shab me namaz ada karo isliye ki ye farishto ki hazri ka waqt hai .
Namaz Ki Rakat Aur Niyat Janne ke liye Click Kren
Tahajjud ki namaz ka time
Tahajjud ki namaz ka waqt Isha ki namaz ke baad thodi der so lene se shuru ho jata hai. kuch log ye kahte hain ki tahajjud ki namaz ka waqt 12 baje start hota hai . Ye nazariya galat hai . balki tahajjud ki namaz agar isha ki namaz kahin par 8 baje khatam ho jata ho jaye . to wahan par agar koi 10 minte so le to namaz e tahajjud ka waqt shuru ho jayega . Lekin ziyada behtar tahajjud ki namaz ka waqt fajar se pahle ka hai . Jo ki bahut hi begtreen waqt hai.