<h2>نماز میں بار بار کھجلانے سے نماز ہوگی یا نہیں ؟</h2> سوال : بعض لوگ نماز کے اندر قیام کی حالت میں خصوصا تراویح میں اپنے جسم کو بار بار کھجلاتے ہیں تو اس سے نماز میں کچھ خرابی پیدا ہوتی ہے یا نہیں؟ <span style="color: #ff0000;"><strong>الجوابـــــــــــــــــــــــ</strong></span> ایک قیام میں تین بار کھجلانے سے نماز جاتی رہے گی یعنی اس طرح کی کھجا کر ہاتھ ہٹایا، پھر کھجایا پھر ہٹایا اسی طرح تین بار کیا. اور اگر ایک مرتبہ ہاتھ رکھ کر کئی بار حرکت دی تو یہ ایک ہی مرتبہ کھجلانا ہوا اس صورت میں نماز فاسد نہ ہو گی جیسا کہ فتاوی عالمگیری جلد اول مطبوعہ مصر صفحہ 97 میں ہے ۔ <span style="color: #ff0000;"><strong>اذا حک ثلاثا في ركن واحد تفسد صلاته هذا اذا رفع يده في كل مرۃ اما اذا لم يرفع في كل مرۃ فلا تفسد كذا في الخلاصه. </strong></span> هذا ما عندي وهو تعالى اعلم ۔ <span style="color: #339966;"><strong>كتبــــــــــــه : جلال الدين احمد الامجدي</strong></span> <span style="color: #339966;"><strong>ماخوذ از فتاویٰ فیض الرسول جلد ١ ص 350</strong></span>