<h3>نماز کی قرات میں ایاک نستعین میں زبر کو کھینچ کر پڑھ دیا الف کے مانند ہو گیا تو اس کی نماز ہوگی یا نہیں؟</h3> سوال : کیا فرماتے ہیں علمائے دین مسئلہ ذیل میں کہ اگر کسی نے نماز کی قرات میں ایاک نستعین میں زبر کو کھینچ کر پڑھ دیا الف کے مانند ہو گیا تو اس کی نماز ہوگی یا نہیں؟ بینوا وتوجروا . <span style="color: #ff0000;"><strong>الجوابــــــــــــــــــــــــ</strong></span> جس شخص نے نماز کی قرات ایاک نستعین میں ضمیر منفصل کے زبر کو کھینچ کے پڑھ دیا کہ وہ الف کے مانند ہو گیا تو اس کی نماز ہو جائے گی کیونکہ یہاں الف کی زیادتی سے معنی میں کوئی تغیر واقع نہیں ہے. اس باب میں قاعدہ کلیہ یہ ہے کہ اگر ایسی غلطی ہوئی جس سے معنی بدل جائے تو نماز فاسد ہو جائے گی ورنہ نہیں اور اگر اعرابی غلطی ایسی ہو جس سے معنی بدل جائے تو نماز فاسد نہ ہو گی جیسے وانھی عن المنکر میں ر کے بعد ی کی زیادتی ہے اس کے باوجود بھی نماز فاسد نہیں ہوئی کہ تغیر معنی نہیں ہے. فتاوی ہندیہ میں ہے <span style="color: #ff0000;"><strong>وان غير المعنى تفسد صلاته عند عامۃ المشايخ . ومنها زياده حرف ان زاد حرفا فان كان لا يغير المعنى لا تفسد صلاته عند عامۃ المشايخ نحو اين يقرا وانهى عن المنكر بزياده الیائ هكذا في الخلاصہ.</strong> <strong>١ھ ملخصا (جلد ١ ص 79)</strong></span> والله تعالى اعلم ۔ <span style="color: #339966;"><strong>ماخوذ از فتاویٰ مرکز تربیت افتاء ،قراءت کا بیان صفحہ 169</strong></span>