<h2>خالہ کی اس بیٹی سے نکاح جائز ہے یا نہیں جس کو ماں نے دودھ پلایا ہو ؟</h2> سوال : حفیظ النساء اور حسین بی دونوں بہنیں ایک ہی ماں باپ سے ہیں . حفیظ النساء کے دو لڑکے لطیف اور رحمت اور حسین بی کے ایک لڑکی فرحت النساء. رحمت کو زمانہ شیرخواری میں حسین بی نے چند دنوں تک دودھ پلایا ہے تو دریافت طلب امر یہ ہے کہ فرحت النساء کا نکاح رحمت کے بھائی لطیف کے ساتھ درست ہے یا نہیں؟ <span style="color: #ff0000;"><strong>الجوابــــــــــــــــــــــــــــ</strong></span> حسین بی نے رحمت کو دودھ پلایا تو رحمت کے بھائی لطیف کو حسین بی کی لڑکی فرحت النساء کے ساتھ <a href="https://masailworld.com/sage-chacha-ki-beti-se-nikah-karna-kaisa-hai/" target="_blank" rel="noopener"><strong>نکاح کرنا</strong></a> جائز ہے ۔ اگر کوئی دوسری وجہ مانع نکاح نہ ہو ۔ کنزالدقائق اور بحر الرائق جلد ثالث صفحہ 227 میں ہے <span style="color: #ff0000;"><strong>تحل اخت اخیہ رضاعا ۔</strong></span> واللہ تعالی اعلم <span style="color: #339966;"><strong>کتبـــــــــــــــہ : مفتی جلال الدین احمد الامجدی</strong></span> <span style="color: #339966;"><strong>ماخوذ از فتاویٰ فیض الرسول جلد 1 صفحہ 718</strong></span>