<h2>کیکڑے کی تجارت کرنا کیسا ہے؟ از مفتی عبدالقادر مصباحی جامعی</h2> اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ : کیا فرماتے علمائے کرام ومفتیان ذوی الاحترام کہ کیکڑے کی تجارت کرنا کیسا ہے؟ المستفتی : محمد مشاہد القادری مصباحی خطیب وامام کچی جامع مسجد ایولہ ناسک۔ وعلیکم السلام ورحمۃ اللہ تعالٰی وبرکاتہ : بسْمِ اللّٰهِ الرَّحْمٰنِ الرَّحِیْمِ الجوابــــــــــــــــــــــــــــــــــ کیکڑے کی تجارت کرنا ناجائز ہے ۔ فتح القدیر میں ہے : <span style="color: #ff0000;"><strong>" ولایجوز بیع ھوام الارض.ولا ھوام البحر کالضفدع والسرطان" اھ ملتقطا</strong></span> یعنی :نہ حشرات الارض کی بیع جائز اور نہ ہی (مچھلی کے علاوہ) سمندری جانور جیسے مینڈک اور کیکڑے کی بیع جائز ہے۔ (شرح فتح القدیر: ج: 7، ص: 111، کتاب البیوع، باب السلم، مسائل منسورۃ ، دارالکتب العلمیۃ بیروت لبنان ) بہار شریعت میں ہے : " مچھلی کے سوا پانی کے تمام جانور مینڈک، کیکڑا وغیرہ کی بیع ناجائز ہے " اھ ملخصا (بہار شریعت : ج: 2، ح: 11، ص: 810، بیع کے متفرق مسائل ) والله تعالٰی اعلم . <span style="color: #339966;"><strong>عبدالقادر المصباحی الجامعی</strong></span> <span style="color: #339966;"><strong>کتبــــــــــــــــــــــــــــــــــــــــــــــــــہ</strong></span> <span style="color: #339966;"><strong>مقام : مہیپت گنج، ضلع : گونڈہ، یو پی، انڈیا </strong></span> <span style="color: #339966;"><strong>٨ جمادی الاخری ١٤٤٣ھ</strong></span>