<h3>پیداٸش اور وفات دونوں کی تاریخ ایک ہی ہے تو اس دن پیداٸش کی خوشی ہی کیوں مناٸی جاتی ہے</h3> سوال: جب حضور ﷺ کی پیداٸش اور وفات دونوں کی تاریخ ایک ہی ہے تو اس دن پیداٸش کی خوشی ہی کیوں مناٸی جاتی ہے . وفات کا غم کیوں نہیں منایا جاتا؟ <span style="color: #ff0000;"><strong>الجوابــــــــــــــــــــــــ</strong> </span> شریعت مطہرہ میں صرف تین دن سوگ یا اظہار غم کی اجازت ہے اس سے زیادہ کی نہیں ۔ چنانچہ ام حبیبہ رضی اللہ تعالیٰ عنہا سے روایت ہے، آپ فرماتی ہیں: <span style="color: #ff0000;"><strong>سمعت رسول اللہ ﷺ یقول لا یحل لامراة تومن باللہ و الیوم الاٰخر ان تحد علی میت فوق ثلث ا لا علی زوج فانھا تحد علیہ اربعة اشھر و عشرا (بخاری شریف ج١ ص١٧١)</strong></span> یعنی میں نے رسول اللہ ﷺ سے فرماتے ہوۓ سنا ہے : کہ جو عورت اللہ اور قیامت کے دن پر ایمان رکھتی ہو، اس کے لیے یہ حلال نہیں کہ میت پر تین دن سے زیادہ سوگ کرے ۔ مگر جس کا شوہر فوت ہوجاۓ وہ اس پر چار ماہ اور دس دن سوگ کرے ۔ حدیث پاک کی روشنی میں یہ بات سورج کی طرح روشن ہے کہ آج وفات شریف کی سوگ منانا بے معنی ہے ۔ اور ولادت شریف پر خوشی کا اظہار اس وجہ سے ہے کہ آپ ﷺ خدا کی سب سے عظیم نعمت ہیں ۔ اور اللہ تعالیٰ نے اپنے بندوں کو شکران نعمت کا حکم دیا ۔ چنانچہ قرآن کریم میں ہے<span style="color: #ff0000;"><strong>: وَ اَمَّا بِنِعۡمَةِ رَبِّکَ فَحَدِّثۡ ﴿الضحیٰ۱۱﴾</strong></span> اور اپنے رب کی نعمت کا خوب چرچا کرو۔ اب جو رسول پاک ﷺ کو خدا کی نعمت نہیں مانتے وہ حضور ﷺ کی پیداٸش میں خوشی نہ مناۓ ۔ الحمد للہ اہلسنت و الجماعت، حضور ﷺ کو صرف خدا کی نعمت ہی نہیں مانتے بلکہ یہ بھی مانتے ہیں کہ دنیا کی تمام نعمتیں اسی ایک نعمت کا صدقہ ہے اسی لیے ہم حضور اقدس ﷺ کی پیداٸش پر خوشی کا اظہار کرتے ہیں ۔ و ھذا من فضل ربی۔ <span style="color: #339966;"><strong>کتبـــــــہ : مفتی محفوظ عالم رضوی</strong></span>