امام ظہر کی فرض سے پہلے کی چار رکعت سنت پڑھے بغیر امامت کر سکتا ہے یا نہیں؟

الجوابــــــــــــــــــــــــــ بلا عذر چار رکعت سنت پڑھے بغیر ظہر فرض کی امامت کرنا مکروہ ہے. اور بالکل ترک کر دینا یعنی بعد فرض بھی نہ پڑھنے والے کے لیے وعید ہے جیسا کہ حدیث شریف میں ہے کہ حضور صلی اللہ تعالی علیہ وسلم نے فرمایا ” من ترک اربعا قبل الظھر لم ینلہ شفاعتی ١ھ” جو شخص ظہر سے پہلے کی چار رکعت سنت چھوڑے وہ میری شفاعت نہ پائے گا. واللہ تعالی اعلم ۔ کتبــــــــــــــــہ :مفتی جلال الدین احمد الامجدی ماخوذ از فتاویٰ فیض الرسول جلد 1 صفحہ 262