<h2>مسافر پر جمعہ فرض ہے یا نہیں؟ / مسافر مقیم کی امامت کر سکتا ہے یا نہیں؟</h2> سوال : مسافر پر جمعہ فرض ہے یا نہیں؟ اور مسافر فجر، مغرب، جمعہ میں مقیم کی امامت کر سکتا ہے یا نہیں؟ <span style="color: #ff0000;"><strong>الجوابـــــــــــــــــــــــــــــ</strong></span> مسافر پر جمعہ فرض نہیں ہے. ایسا ہی بہار شریعت حصہ 4 صفحہ 99 میں ہے اور فتاویٰ عالمگیری مع خانیہ جلد اول صفحہ 144 پر ہے <span style="color: #ff0000;"><strong>'' لوجوبھا ای الجمعۃ شرائط فی المصلی ھی الحریۃ والذکورۃ والاقامۃ والصحۃ کذا فی الکافی '' ١ھ. اور تنویر الابصار میں ہے '' شرط لافتراضھا اقامۃ بمصر '' ١ھ. (ج٢ س ١٥٣)</strong></span> اور مسافر نماز فجر، مغرب، جمعہ بلکہ ہر نماز میں مقیم کی امامت کرسکتا ہے. حضور صدر الشریعہ علیہ الرحمہ والرضوان تحریر فرماتے ہیں جمعہ کی <a href="https://masailworld.com/imam-imamat-ki-niyat-kaise-kare/"><strong>امامت</strong></a> ہر مرد کر سکتا ہے جو اور نمازوں میں امام ہو سکتا ہو اگرچہ اس پر فرض نہ ہو جیسے مریض، مسافر، غلام. (بہار شریعت حصہ چہارم صفحہ ١٠٠) <span style="color: #ff0000;"><strong>اور درمختار مع الشامی جلد دوم صفحہ 155 پر ہے '' یصح للامامۃ فیھا من صلح لغیرھا فجازت لمسافر وعبد ومریض ''</strong></span> واللہ تعالی اعلم والیہ المرجع والمآب <span style="color: #339966;"><strong>کتبـــــــــــہ : محمد اویس القادری امجدی  </strong></span> <span style="color: #339966;"><strong>الجواب صحیح : مفتی جلال الدین احمد الامجدی</strong></span> <span style="color: #339966;"><strong>ماخوذ از فتاویٰ فقیہ ملت جلد ١ صفحہ 225</strong></span>