<h2>حضرت فاطمہ کا جہیز کیا تھا ؟</h2> حضرت فاطمۃ الزہرا سلام اللہ علیہا کی شادی میں سرکار دوعالم صلی اللہ علیہ وسلم نے جہیز کے سامان کیا کیا دیئے تھے حوالے کے ساتھ جواب عنایت فرمائیں نوازش ہوگی ۔ سا ئل :- خورشید احمد مہراجگنج۔ بسم اللہ الرحمن الرحیم <span style="color: #ff0000;"><strong> الجواب بتوفیق الملک الوھاب </strong></span> خاتون جنت کا جہیز، آقائے نامدار مدنی تاجدار رسول ذی وقار دونوں عالم کے مالک و مختار حبیب کردگار صلی اللہ تعالی علیہ وسلم نے شہزادیٔ اسلام حضرت بی بی فاطمہ رضی اللہ تعالی عنہا کو جہیز میں جو سامان دیا اس کی فہرست یہ ہے۔ ایک کملی (چادر) ، بان کی ایک چارپائی ، چمڑے کا گدا جس میں روئی کی جگہ کھجور کی چھال بھری ہوئی تھی ، ایک چھاگل ، ایک مشک ، دو چکیاں ، دو مٹی کے گھڑے۔ حضرت حارثہ بن نعمان انصاری رضی اللہ عنہ نے ایک مکان حضور صلی اللہ تعالی علیہ وسلم کو اس لئے نذر کر دیا کہ اس میں حضرت علی اور حضرت بی بی فاطمہ رضی اللہ تعالی عنہا سکونت فرمائیں۔ (مآخوذ، مدارج النبوۃ، ج،٢،ص،١١١) (سیرت مصطفٰی،ص،١٥٨) (مناقب سیدہ فاطمہ،ص،٧٣) واللہ تعالیٰ اعلم بالصواب۔ <span style="color: #339966;"><strong>کتبــــــــــہ : مفتی منظور عالم قادری ۔</strong></span> <span style="color: #339966;"><strong>خادم التدریس دار العلوم معین الاسلام چھتونہ مہراجگنج۔</strong></span>