بھائی کے سالے کی لڑکی سے نکاح کرنا کیسا ہے؟

سوال : کیا فرماتے ہیں علمائے دین و مفتیان شرع متین مسئلہ ذیل میں کہ زید و بکر دونوں سگے بھائی ہیں تو کیا زید بکر کے سالے کی لڑکی کے ساتھ شادی کر سکتا ہے؟ الجوابــــــــــــــــــــــــــ صورت مسئولہ میں زید کا بکر کے سالے کی لڑکی کے ساتھ نکاح کرنا جائز ہے ۔ اس میں شرعاً کوئی قباحت نہیں کیونکہ وہ زید کے لئے محارم سے نہیں بشرطیکہ اور کوئی وجہ مانع شرعی نہ ہو. ارشاد باری تعالیٰ ہے ” واحل لکم ما وراء ذلکم ان تبتغوا باموالکم ” یعنی ان کے سوا جو ہیں وہ تم پر حلال کہ اپنے مالوں کے عوض تلاش کرو. (پارہ 5 سورہ نساء آیت نمبر 24) واللہ تعالی اعلم ۔ کتبہ : مفتی محمد نیاز برکاتی مصباحی امجدی الجواب صحیح : مفتی نظام الدین رضوی جامعہ اشرفیہ مبارکپور