<h2>تین مرتبہ کہا تلاکھ دہن پھر کہاں ایک ہجار بار تلاکھ دہن تو کونسی طلاق پڑی؟</h2> مسئلہ:- از : علاؤ الدین ، جگر ناتھ پور ، بستی کیا فرماتے ہیں علمائے دین و مفتیان شرع متین اس مسئلہ میں کہ زید نے اپنی بیوی کو غصہ سے مارتے ہوئے تین بار کہا کہ جاؤ ہم تمہیں "تلاکھ دہن تلاکھ دہن تلاکھ دہن اس کے بعد یہ بھی کہا کہ جاؤ ہم تمہیں" ایک ہجار بار تلاکھ دہن ایسی صورت میں زید کی بیوی پر کون سی طلاق واقع ہوئی اور اس کے لئے شرع کا کیا حکم ہے ؟ بینوا توجروا ۔ <span style="color: #ff0000;"><strong>الجوابـــــــــــــــــــــــــــ </strong></span> صورت مسئولہ میں زید کی بیوی پر تین طلاقیں واقع ہوگئیں کہ غصہ میں بھی طلاق واقع ہوجاتی ہے بلکہ اکثر طلاق غصہ ہی میں دی جاتی ہے۔ اب زید بغیر <a href="https://masailworld.com/teen-talaq-ke-baad-bivi-ko-bulakar-apne-ghar-me-rakhna/"><strong>حلالہ</strong></a> اس بیوی سے نکاح نہیں کر سکتا۔ <span style="color: #ff0000;"><strong>قال الله تعالى: فان طلقها فلا تحل له من بعد حتى تنكح زوجا غيره ۔</strong></span> <span style="color: #339966;"><strong>ماخوز : از فتاوی فقیہ ملت جلد دوم کتاب الطلاق</strong></span>