<h2>کیا خوف اور ڈر سے منی نکلنے پر غسل واجب ہوگا؟ کیا غسل کے فرائض غسل سنت میں بھی فرض ہیں؟</h2> سوال : خوف اور ڈر کے وقت جو منی نکلے اس سے غسل واجب ہوتا ہے یا نہیں؟ (٢) غسل میں جو تین فرض ہیں کیا وہ غسل سنت میں بھی فرض ہیں ؟بینوا و توجروا ۔ <span style="color: #ff0000;"><strong>الجوابـــــــــــــــــــــــــــ</strong></span> منی نکلنے سے غسل اس وقت واجب ہوتا ہے جب کہ وہ اپنی جگہ سے شہوت کے ساتھ جدا ہو. ایسا ہی بہار شریعت جلد دوم صفحہ 48 پر ہے. اور فتاویٰ عالمگیری جلد اول صفحہ ١٤ پر ہے <span style="color: #ff0000;"><strong>'' الموجبۃ للغسل خروج المنی علی وجہ الدفق والشھوۃ ١ھ.</strong></span> اور خوف وڈر سے جو منی نکلتی ہے وہ بے شہوت ہوتی ہے لہذا اس سے <a href="https://masailworld.com/nabalig-par-gusl-farz-nahi/"><strong>غسل</strong></a> واجب نہیں ہو گا ہاں وضو جاتا رہے گا. واللہ تعالی اعلم <strong>(٢)</strong> غسل کے فرائض صرف غسل فرض میں فرض ہیں اور وہ غسل سنت میں سنت ہو جاتے ہیں. واللہ تعالی اعلم ۔ <span style="color: #339966;"><strong>کتبہ : مفتی عبد المقتدر نظامی مصباحی</strong></span> <span style="color: #339966;"><strong>الجواب صحیح : مفتی جلال الدین احمد الامجدی</strong></span>