<h3>سجدہ سہو واجب نہیں تھا مگر کر لیا تو اس کی نماز کے بارے میں کیا حکم ہے؟</h3> <span style="color: #ff0000;"><strong>الجوابـــــــــــــــــــــــــ</strong></span> اگر وہ شخص منفرد ہے اور سجدہ سہو واجب نہیں تھا لیکن کیا تو اس کی نماز ہوگئی. اسی طرح اگر امام نے بلا ضرورت سجدہ سہو کیا تو مدرک یعنی وہ مقتدی جو پہلی رکعت سے آخر تک شریک جماعت رہے اور امام سب کی نماز ہو جائے گی اس لئے کہ جب سجدہ سہو واجب نہ ہوا تو اس کی نیت سے سلام پھیرتے ہی نماز تمام ہو جاتی ہے. اور اگر وہ مسبوق ہے یعنی ایسا مقتدی کہ جس کی کچھ رکعت چھوٹ گئی اور امام نے بے جا <a href="https://masailworld.com/bhool-kar-sajda-e-sahu-chod-diya-to-kya-hukm-hai/"><strong>سجدہ سہو</strong></a> کیا اور اس نے امام کی اتباع کی تو نماز  باطل ہوگئی. ملک العلماء حضرت علامہ امام علاء الدین کاسانی رحمہ اللہ تعالی علیہ فرماتے ہیں <span style="color: #ff0000;"><strong>'' المسبوق اذا تابع الامام فی سجود السھو ثم تبین انہ لم یکن علی الامام سھو حیث تفسد صلاۃ المسبوق</strong> </span>(بدائع الصنائع جلد ١ صفحہ ١٧٥) واللہ تعالی اعلم <span style="color: #339966;"><strong>کتبــــــــــــــہ : مفتی اظہار احمد نظامی</strong></span> <span style="color: #339966;"><strong>الجواب صحیح : مفتی جلال الدین احمد الامجدی</strong></span>