<h2>عورتوں کا اپنے بالوں میں کلپ لگانا کیسا ہے؟</h2> سوال : کیا فرماتے ہیں علمائے دین و ملت کے اس مسئلہ میں کہ عورتوں کو اپنے بالوں میں کلپ لگانا کیسا ہے؟ بینوا و توجروا ۔ <span style="color: #ff0000;"><strong>الجوابـــــــــــــــــــــــــ</strong></span> سونے چاندی کے علاوہ دوسری دھاتوں کے زیورات مثلا لوہا تانبا پیتل رانگا جستہ وغیرہ عورتوں کے لئے بھی ناجائز اور حرام ہے. درمختار میں ہے <span style="color: #ff0000;"><strong>'' ولا یتختم الا بالفضۃ لحصول الاستغناء بھا فیحرم بغیرھا کحجر وذھب وحدید وصفر ورصاص وزجاج وغیرھا ١ھ ملخصا.</strong></span> اور کلپ جس کو عورتیں اپنے بالوں میں لگاتی ہیں اس کا استعمال جائز ہے کہ کلپ خاص زیور نہیں اس کو صرف زینت کے لئے نہیں لگایا جاتا بلکہ اس کا مقصد بالوں کو یکجا کرنا اور یکجا رکھنا ہے ۔ پھر اسے بالوں میں لگانا لبس یعنی پہننا نہیں ہے اور لبس ہی ممنوع ہے. فتاوی امجدیہ میں ہے" سونے چاندی کے بٹن اس وجہ سے جائز ہیں کہ یہ ملبوس نہیں ہیں بلکہ توابع لباس سے ہیں. لہذا دوسری دھات کے بٹن بھی اسی علت مشترکہ سے جائز ہیں کہ دوسری دھاتوں کا پہننا منع ہے بلکہ ان کا حکم سونے چاندی سے اخف ہے کہ سونے چاندی کا استعمال صرف ایک مخصوص صورت کے علاوہ مطلقا ناجائز ہے اور دوسری دھاتیں سوا پہننے کے ہر طرح استعمال کرسکتے ہیں. ان کے برتنوں میں کھا پی سکتے ہیں سرما دانی سلائی تیل وغیرہ کی پیالیاں قلم دوات وغیرہ تمام اشیاء کو استعمال کرسکتے ہیں (جلد چہارم صفحہ 433) واللہ تعالی اعلم ۔ <span style="color: #339966;"><strong>کتبہ : مفتی محمد شاہد رضا ہشامی</strong></span> <span style="color: #339966;"><strong>الجواب صحیح :مفتی نظام الدین رضوی جامعہ اشرفیہ</strong></span>