<h2>داڑھی زیادہ سے زیادہ کتنی لمبی رکھ سکتے ہیں؟</h2> سوال : داڑھی کی حد کم سے کم ایک مشت ہے لیکن زیادہ سے زیادہ کی کیا حد ہے ? جواب عنایت فرمائیں؟ المستفتی : مولانا حسرت گورڈیہہ سدھارتھ نگر یوپی انڈیا۔ <span style="color: #ff0000;"><strong>الجواب بعون الملک الوھاب</strong></span> داڑھی زیادہ سے زیادہ ایک مشت رکھنی چاہئے کہ یہی سنت ہے اس سے کچھ زیادہ ہو کہ سینہ تک پہنچ جائے تو حرج نہیں ہاں طول فاحش مکروہ تحریمی ہے۔ <span style="color: #ff0000;"><strong>ردالمحتار علی الدر المختار :" والسنۃ فیہا القبضۃ وھو ان یقبض الرجل لحیتہ فمازاد منھا علی قبضۃ قطعہ ۔ روی الطبرانی عن ابن عباس رفعہ من سعادۃ المرأ خفۃ لحیتہ واشتھر ان طول اللحیۃ دلیل علی خفۃ العقل "اھ ملخصا</strong> </span> (ج٩ ص٥٨٣ کتاب الحظر والاباحۃ، باب الاستبراء وغیرہ، دارعالم الکتب) حضور صدرالشریعہ علیہ الرحمہ تحریر فرماتے ہیں:" داڑھی ایک مشت رکھنا ضروری ہے ایک مشت سے کم کرنا درست نہیں اور ایک مشت سے اگر کچھ زیادہ ہو کہ سینہ تک پہنچ جائے جب بھی حرج نہیں مگر اس کا طوال فاحش مکروہ ہے "اھ ( فتاوی امجدیہ ج٤ ص١٩٤ کتاب الحظر والاباحۃ) واللہ تعالیٰ اعلم بالصواب۔ <span style="color: #339966;"><strong>کتبہ : گدائے حضور رئیس ملت محمد صدام حسین برکاتی فیضی میرانی۔</strong></span> <span style="color: #339966;"><strong>خادم میرانی دار الافتاء</strong></span>