<h3>معلمہ حیض و نفاس میں قرآن پاک کا ایک ایک کلمہ سانس توڑ توڑ کر پڑھا سکتی ہے</h3> سوال : عورت کو شرعی عذر ہو یعنی حیض یا نفاس والی ہو تو قرآن پڑھا سکتی ہے یانہیں ؟ المستفتیہ مدیحہ فاطمہ <span style="color: #ff0000;"><strong>الجواب بعون الملک الوھاب</strong></span> پڑھا سکتی ہے جبکہ ایک ایک کلمہ سانس توڑ کر پڑھائے اور ہجے کرانے میں کوئی حرج نہیں۔ حضور اعلی حضرت رضی اللہ تعالی عنہ بحوالہ حلیہ تحریر فرماتے ہیں: <span style="color: #ff0000;"><strong>"اذا حاضت المعلمۃ فینبغی لہا ان تعلم الصبیان کلمۃ کلمۃ وتقطع بین کلمتین "</strong></span> اھ ( فتاوی رضویہ جدید جلد ١ حصہ ٢ صفحہ١٠٩٢ ، رسالہ ارتفاع الحجب عن وجوہ قرأۃ الجنب) یعنی: جب معلمہ حائض ہو تو اسے چاہئے کہ بچوں کو ایک ایک کلمہ سکھائے اور دوکلموں کے درمیان فصل کردے بہار شریعت میں ہے:" معلمہ کو حیض یانفاس ہوا تو ایک ایک کلمہ سانس توڑ توڑ کر <a href="https://masailworld.com/quran-ka-urdu-ya-farsi-tarjuma-sunne-ka-hukm/"><strong>قرآن</strong> </a>پڑھائے اور ہجے کرانے میں کوئی حرج نہیں " اھ (حصہ٢ صفحہ٣٨٩ کتاب الطہارۃ) واللہ تعالیٰ اعلم بالصواب۔ <span style="color: #339966;"><strong>کتبــــــــہ : گدائے حضور رئیس ملت محمد صدام حسین برکاتی فیضی میرانی۔</strong></span> <span style="color: #339966;"><strong>خادم میرانی دار الافتاء جامعہ فیضان اشرف رئیس العلوم اشرف نگر کھمبات شریف گجرات انڈیا۔</strong></span>