<h3>کہا کاغذ لاؤ میں ابھی بیوی کو طلاق لکھتا ہوں تو طلاق واقع ہوئی کہ نہیں؟</h3> مسئلہ:- از: مولانا حفیظ اللہ قادری ، کرسیاں ، سدھارتھ نگر سوال : زید نے کہا کہ کاغذ لاؤ میں ابھی میں اپنی بیوی کو طلاق لکھتا ہوں تو اس جملہ سے اس کی بیوی پر طلاق پڑا یا نہیں؟ <span style="color: #ff0000;"><strong>الجوابــــــــــــــــــــــــ</strong></span> صورت مذکورہ میں زید کا یہ کہنا کہ :" کاغذ لاؤ میں اپنی بیوی کو ابھی طلاق لکھتا ہوں" سے طلاق واقع نہ ہوگی کیونکہ یہ جملہ الفاظ طلاق سے نہیں ، بلکہ ارادہ طلاق ہے۔ اور ارادہ طلاق سے طلاق واقع نہ ہوگی ۔ حضور صدر الشریعہ علیہ الرحمۃ والرضوان تحریر فرماتے ہیں :" ارادہ طلاق سے طلاق واقع نہیں ہوتی۔ " ( فتاویٰ امجدیہ جلد دوم صفحہ ۲۳٤) واللہ تعالیٰ اعلم بالصواب <span style="color: #339966;"><strong>الجواب الصحیح:- جلال الدین أحمد الامجدی</strong></span> <span style="color: #339966;"><strong>کتبہ:- محمد شبیر احمد مصباحی</strong></span>