<h2>Eid ke Din Sare Logo ko Bakhsh Diya Jata Hai</h2> <span style="font-size: 20px;">       Jab Eid ka din aata hai to Allah tala apne bandon se farishto par fakhr karta hai . Allah farmata hai ki aye farishto is bande ki mazdoori kya hai jis ne apna kaam poora kiya ho . Farishte arz karte hain ki aye mere parwardigar uski Jaza ye hai ki Use poora ajar diya jaye . Allah farmata hai ki mere bandon aur bandiyon ne apne fareeze ko poora kiya hai . Phir wo Eid gaah ki taraf dua karte hue nikle hain , Meri Izzat o Jalal ki qasam main in ki dua ko qubool karunga . Phir farmata hai aye mere bando laut jao main ne tumhe bakhsh diya , Aur tumhari buraiyan nekiyon se badal di . Huzoor ﷺ ne Irshad farmaya '' Ki Log is haal me wapas hote hain ki Unki bakhshish ho chuki hoti hai .</span> <h2>Namaz e Eid ka tarika / Eidul fitr ki Namaz ka tarika</h2> <span style="color: #339966;"><strong>  Sab se pahle niyat is tarah kare .</strong></span> <span style="font-size: 20px;">        Niyat ki main ne 2 rakat namaz wajib Eid ul fitr ki 6 takbeero ke saath , Allah tala ke liye ( Muqtadi itna aur kahe peeche is Imam ke ) Munh mere kaaba shareef ki taraf , Phir kanon tak haath uthaye aur Allahu akbar kah kar haath bandh le .</span> <span style="font-size: 20px;">        Uske baad <span style="color: #339966;"><strong>Sana</strong> </span>padhe . Phir Allahu akbar kahta hua haath uthaye aur chod de . dobara aise hi Allahu akbar kahta hua haath uthaye aur chod de . Teesri baar Allahu Akbar kahta hua haath uthaye aur Naaf ke neeche lakar bandh le . Uske baad Imam aahista<span style="color: #339966;"><strong> Auoozubillah</strong></span> aur <span style="color: #339966;"><strong>Bismillah</strong></span> padh kar buland aawaz se Surah Fatiha ki Tilawat kare . Phir koi soorat padh kar Ruku aur sajda kare .</span> <span style="font-size: 20px;">      Doosari Rakat me Pahle surah fatiha yani Alhamdu ke saath koi surat padhe . Phir 3 baar Allahu Akbar kahta hua kanon tak haath le jaye aur kisi martaba na bandhe . Aur Chauthi baar bagait haath uthaye Allahu Akbar kahta hua Ruku me Jaye . Phir Baqi Namaz doosari Namaz ki tarah poora kare .</span> <span style="color: #339966;"><strong> <span style="color: #ff00ff;">Slam Pherne ke baad Imam 2 Khutbe padhe phir Dua mange .</span></strong></span> <h2 style="text-align: center;">Eid ke Din ye Kaam karna Mustahab hai .</h2> <ol> <li><span style="font-size: 20px;">Hajamat banwana .</span></li> <li><span style="font-size: 20px;">Nakhoon katna .</span></li> <li><span style="font-size: 20px;">Ghusl karna .</span></li> <li><span style="font-size: 20px;">Miswak karna .</span></li> <li><span style="font-size: 20px;">Achche kapde pahnna .</span></li> <li><span style="font-size: 20px;">Khushboo lagana .</span></li> <li><span style="font-size: 20px;">Subah Yani Fajar Ki Namaz mohalle ki masjid me padhna .</span></li> <li><span style="font-size: 20px;">Eid gaah Jladi jana .</span></li> <li><span style="font-size: 20px;">Namaz se pahle Sadqa e fitr ada karna .</span></li> <li><span style="font-size: 20px;">Eid gaah tak paidal jana .</span></li> <li><span style="font-size: 20px;">Doosare Raste se wapas aana .</span></li> <li><span style="font-size: 20px;">Namaz ke liye jane se pahle 3/5 / 7 Khujoor khana .</span></li> <li><span style="font-size: 20px;">Khujoor na ho to koi meethi cgeez khana .</span></li> <li><span style="font-size: 20px;">Khushu Zahir karna .</span></li> <li><span style="font-size: 20px;">Aapas me Mubarakbaad dena .</span></li> <li><span style="font-size: 20px;">Kasrat se sadqa karna .</span></li> <li><span style="font-size: 20px;">Eidgaah Nazre neechi kiye hue Waqar o itminan ke saath jana .</span></li> </ol> <p style="text-align: left;"><span style="font-size: 20px;"><span style="color: #339966;"><strong>Ye Sab baaten Eidul fitr ke din karna Mustahab hai</strong> </span>. <strong>( Anware Shareeat )</strong></span></p> <h2>Eid ki namaz ka waqt kab se kab tak rahta hai</h2> <span style="font-size: 20px;">      Eid ki namaz ka waqt Sooraj niklne ke baad se Zawal ke pahle tak rahta hai . Lekin Pahle waqt me padh lena behtar hai . zyada takheer nahi karna chahiye .</span> <h3 style="text-align: left;">Eid ki Namaz ghar par kaise padhen ?</h3> <span style="font-size: 20px;">Aaj ke mahol me agar Eidgaah ya masjid me eid ki jamat na mil sake to aisi soorat me Eid ki namaz Saqit hoti hain . yani aise logon par Eid ki namaz maaf hai .</span> <span style="font-size: 20px;">Lekin Ulamaye kiram ne aisi soorat me kuch Ibadat ka hukm ata farmaya hai . Bahare Shariat me bhi ye baat mojood hai ki agar Eid ki jamat na mil sake to Apne ghar par 4 rakat namaz Chasht ki padhe . Insha Allah usko Eid ki namaz padhne ka swab milega . Ye baat bhi yaad rakhna chahu=iye ki is namaz me niyat Eid ki nahi karna hai balki 4 rakat Chasht nafil ki niyat se padhna hai .</span> <h2>Eid ke din chasht ki Namaz ka tarika</h2> <span style="font-size: 20px;">    Niyat bandhne ke baad sab se pahle Sana padhe . Phir Auzubillah aur bismillah ke baad Surah Fatiha ki tilawat kare . After that  koi surat milaye jo achchi tarah yaad ho . Ya aisi koi aik Ayat padhen jo 3 choti ayaton ke barabar ho . Phir Allahu Akbar kahta hua Ruku me jaye Aur kam se kam 3 baar ruku ki tasbeeh padhe . Yani Subhana Rabbiyal Azeem padhe . Samialllahu liman hamidah kahta hua khada ho jaye . Allahuakbar kahta hua Sajde me Jaye .</span> <span style="font-size: 20px;">     Sajde me Kam se kam 3 baar tasbeeh yani Subhan Rabbiyal aala padhe . Uske baad doosre sajde me Allahu akbar kahta hua jaye aur isme bhi 3 tasbeeh padhe .</span> <span style="font-size: 20px;">      Dono sajde complete karne ke baad 2sri rakat ke liye Allahu akbar kahta hua khada ho jaye . Surah fatiha ki tilawat ke baad soorat milaye . Phir pahli hi rakat ki tarah Ruku Aur Sajda kare . Do Rakat par Qaada kare .</span> <span style="font-size: 20px;">     Isi tarah 4 Rakat Namaz ada kare . Har  rakat me Surah Fatiha ke baad surat milaye . 4 Rakat mukammal hone ke baad qaada kare . Usme Attahiyyat , Durood e Ibrahim aur Dua e masoora padh kar salam pher de .</span> <span style="color: #ff0000;"><strong>Aap ko agar Post aaaachchi lagi ho to share kar den taki Doosaro ka bhi fayda ho .</strong></span> <!--more--> <h4><a href="https://masailworld.com/shabe-qadr-ki-namaz-ka-tarika-hindi-me/" rel="bookmark">Shabe qadr ki namaz ka tarika hindi me</a></h4> <h4><a href="https://masailworld.com/sadqa-e-fitr-kitna-wjib-hai-sadqa-e-fitr-kis-par-wajib-hai/" rel="bookmark">Sadqa e fitr kitna wjib hai / Sadqa e fitr kis par wajib hai</a></h4>