<h2><span style="font-size: 14pt;">اپنی یا گھر کی حفاظت کے لئے کتا پالنا کیسا؟</span></h2> <span style="font-size: 14pt;">مفتی محمد صدام حسین برکاتی فیضی۔</span> <span style="font-size: 14pt;">اپنی یا گھر کی حفاظت کے لئے کتا پالنا کیسا ہے ؟</span> <span style="font-size: 14pt;">المستفتی: محمد کاشف علی پاکستان۔</span> <span style="color: #ff0000;"><strong><span style="font-size: 14pt;">الجواب  بعون الملک الوھاب</span></strong></span> <span style="font-size: 14pt;"> حفاظت کی سچی حاجت ہو کہ اس کے بعیر حفاظت نہ ہوسکے تو جائز ہے ورنہ نہیں۔</span> <span style="font-size: 14pt;">اعلی حضرت امام احمد رضا رضی اللہ تعالی عنہ تحریر فرماتے ہیں: "وہ کتا جوگلے یا کھیتی یا گھر کی حفاظت کے لئے پالاجائے اور حفاظت کی سچی حاجت ہو، ورنہ اگرمکان میں کچھ نہیں کہ چورلیں یامکان محفوظ جگہ ہے کہ چور کااندیشہ نہیں، غرض جہاں یہ اپنے دل سے خوب جانتاہو کہ حفاظت کابہانہ ہے اصل میں کتے کاشوق ہے وہاں جائزنہیں، آخرآس پاس کے گھروالے بھی اپنی حفاظت ضروری سمجھتے ہیں اگربے کتے کے حفاظت نہ ہوتی تووہ بھی پالتے، خلاصہ یہ کہ اﷲتعالٰی کے حکم میں حیلہ نہ نکالے کہ وہ دلوں کی بات جاننے والا ہے۔" اھ (فتاوی رضویہ جدید، ج٢٤، ص٦٥٩، مطبوعہ رضا فاؤنڈیشن لاہور) واللہ تعالیٰ ورسولہ ﷺ اعلم بالصواب۔</span> <strong><span style="font-size: 14pt;">کتبہ : مفتی محمد صدام حسین برکاتی فیضی۔</span></strong> <strong><span style="font-size: 14pt;">صدر میرانی دار الافتاء وشیخ الحدیث جامعہ فیضان اشرف رئیس العلوم اشرف نگر کھمبات شریف گجرات انڈیا۔</span></strong>