<h2 style="direction: rtl;">قربانی کے بڑے جانور میں عقیقے کا حکم از کتبہ کمال احمد علیمی نظامی دارالعلوم علیمیہ جمدا شاہی بستی</h2> <p style="direction: rtl;">السلام علیکم و رحمۃ اللہ وبرکاتہ</p> <p style="direction: rtl;">ایک سوال ہے کہ کیا قربانی کے بڑے جانور میں عقیقہ ہو سکتا ہے قرآن وحدیث کی روشنی میں جواب عطا فرمایں</p> <p style="direction: rtl;">سائل مولانا محمد اشرف پپرا کنک کشی نگر</p> <p style="direction: rtl;"><strong><span style="font-size: 20px;">جواب</span></strong></p> <p style="direction: rtl;">وعلیکم السلام ورحمۃ اللہ و برکاتہ</p> <p style="direction: rtl;">قربانی کے بڑے جانور میں عقیقہ ہوسکتا ہے، افضل یہ ہے کہ لڑکے کی طرف سے دو حصے ہوں اور لڑکی کی طرف سے ایک:</p> <p style="direction: rtl;">فتاوی شامی میں ہے :</p> <p style="direction: rtl;">"وكذا لو أراد بعضهم العقيقة عن ولد قد ولد له من قبل؛ لأن ذلك جهة التقرب بالشكر على نعمة الولد ذكره محمد". (فتاوی شامی 6/ 326، کتاب الاضحیة) حاشیۃ الطحطاوی میں ہے :</p> <p style="direction: rtl;">”و لو ارادوا القربۃ الاضحیۃ او غیرھا من القرب اجزأھم سواء کانت القربۃ واجبۃ او تطوعا او وجب علی البعض دون البعض و سواء اتفقت جھۃ القربۃ او اختلفت ۔۔۔ کذلک ان اراد بعضھم العقیقۃ عن ولد ولد لہ من قبل “ترجمہ : ( ایک جانور میں شریک ) لوگوں نے ( اس جانور میں )قربانی کی قربت کی نیت کی ہو یا قربانی کے علاوہ کسی اور قربت کی نیت ہو ، تو یہ نیت کرنا ان کو کافی ہوجائے گا ۔ چاہے وہ قربتِ واجبہ ہو یا نفلی قربت ہو یا بعض پر واجب ہو اور بعض پر واجب نہ ہو ، چاہے قربت کی جہت ایک ہی ہو یا مختلف ہو ۔۔۔۔ اسی طرح اگر ( ایک جانور میں شریک ) لوگوں میں سے بعض نے اِس سے پہلے پیدا ہونے والے بچے کے عقیقے کی نیت کی ( تو بھی جائز ہے ۔ )( حاشیۃ الطحطاوی علی الدر المختار ، کتاب الاضحیۃ ، جلد 4 ، صفحہ 166 ، مطبوعہ کوئٹہ )</p> <p style="direction: rtl;">فتاویٰ امجدیہ میں ہے : ”کتبِ فقہ میں مصرح کہ گائے یا اونٹ کی قربانی میں عقیقہ کی شرکت ہوسکتی ہے ۔۔۔۔ ( فتاویٰ امجدیہ ، جلد 3 ، صفحہ 302 ، مطبوعہ مکتبہ رضویہ ، کراچی )</p> <p style="direction: rtl;">. واللہ اعلم بالصواب</p> <p style="direction: rtl;">کتبہ کمال احمد علیمی نظامی جامعہ علیمیہ جمدا بستی ٨ ذى الحجه ١٤٤٢ھ مطابق ١٩جولائی ٢٠٢١ء</p> <p style="direction: rtl;">الجواب صحیح : محمد نظام الدین قادری۔ خادم: درس وافتاء دارالعلوم علیمیہ جمدا شاہی، بستی۔ یوپی۔</p>