مسجد کو خدا کا گھر کیوں کہتے ہیں جب کہ وہ جسم و جسمانیت سے پاک ہے ؟

السلام علیکم ورحمتہ اللہ وبرکاتہ ۔ حضرت کے بارگاہ میں مؤدبانہ عرض ہے کہ خدا مکان سے پاک ہے پھر بھی کعبہ شریف اور مسجد کو خدا کا گھر کہتے ہیں اسکے متعلق قدرے مفصل جواب عنایت فرمائیں نوازش ہوگی جواب اللہ تعالی مکان سے پاک ہے کہ مکان کی حدود مقرر ہیں اور اللہ تعالیٰ لامحدود ہے ۔ کعبہ شریف یا مسجد کو اللہ کا گھر جو کہا جاتا ہے یہ مکان کے اعتبار سے نہیں کہا جاتا ہے بلکہ اصطلاح شرع میں اسے اضافتِ تشریفیہ کہتے ہیں یعنی اللہ تعالی نے ان مکانات کی عظمت و شرف کے باعث ان کی نسبت اپنی ذات کی طرف کی ہے۔ واللہ اعلم بالصواب کتبہ : مفتی کامران عطاری مدنی