<h2 style="direction: rtl;">تقسیم وراثت سے متعلق ایک اہم مسئلہ کتبہ کمال احمد علیمی نظامی جامعہ علیمیہ جمدا شاہی بستی</h2> <p style="direction: rtl;">السلام علیکم و رحمت اللہ و برکاتہ</p> <p style="direction: rtl;">سوال ۔ کیا فرماتے ہیں علماء دین مسئلہ ذیل میں کہ۔</p> <p style="direction: rtl;">زید نے دو شادی کی تھی پہلی بیوی سے ایک بیٹا اور 4 بیٹیاں تھیں جن میں سے 3 لڑکی کا انتقال ہو گیا(نکاح بعد) اور پہلی بیوی کے انتقال کے بعد زید نے دوسری شادی کی جس سے ایک بیٹی اور 4 بیٹے ہیں ۔</p> <p style="direction: rtl;">زید کا انتقال ہو گیا ہے اور اِس وقت 2 بیٹی اور 5 بیٹے اور ایک بیوی ہے۔ انکی وراثت کس طرح تقسیم ہوگی۔</p> <p style="direction: rtl;">کیا 3 بیٹیوں کے انتقال کے بعد انکے لڑکے لڑکیوں (زید کے ناتی نتنی) کا بھی وراثت مین کچھ حصہ ہے۔</p> <p style="direction: rtl;">برائے کرم جلد از جلد جواب عنایت فرمائیں کرم نوازش ہوگی۔</p> <p style="direction: rtl;">سائل ۔ محمد ارمان علی قادری علیمی گونڈہ مقیم حال ممبئی</p> <hr /> <p style="direction: rtl;">وعلیکم السلام ورحمۃ اللہ و برکاتہ</p> <p style="direction: rtl;">الجواب بسم الذی یھدی الی الصواب</p> <p style="direction: rtl;">مسئلہ _________8×12= 96</p> <p style="direction: rtl;">زوجہ ___ ثمن_____1×12= 12</p> <p style="direction: rtl;">بنتین ___ عصبہ__7____14 ÷2= 7_7</p> <p style="direction: rtl;">خمسۃابناء__عصبہ7___70 ÷5= 14_14</p> <p style="direction: rtl;">وضاحت مسئلہ</p> <p style="direction: rtl;">صورت مسئولہ میں بعد تقدیم ما تقدم علی الإرث وانحصار الورثۃ فی المذكورين زید کی جائیداد کے چھیانوے حصے کیے جائیں گے جن میں ١٢/بیوی کو، ١٤/١٤ حصے ہر بیٹے کو اور ٧/٧حصے ہر بیٹی کو ملیں گے.</p> <p style="direction: rtl;">تقسیم میراث کا ایک طریقہ یہ بھی ہوسکتا ہے کہ جائیداد کے آٹھ حصے کرکے ایک بیوی کو دے دیا جائے، پھر باقی ٧/حصوں کو بارہ حصے کرکے ہر بیٹے کو دو دو حصہ اور ہر بیٹی کو ایک ایک حصہ دیا جائے.</p> <p style="direction: rtl;">چوں کہ وراثت کا حق اسی لڑکے اور لڑکی سے متعلق ہوتا ہے جو مورث کی موت کے وقت زندہ ہو، اس لئے 3 بیٹیاں جو پہلے ہی انتقال کرگئیں ہیں ان کا ترکہ سے کچھ حصہ نہیں تو نواسے اور نواسیوں کو بھی ترکہ سے حصہ نہیں ملے گا.</p> <p style="direction: rtl;">واللہ اعلم بالصواب</p> <p style="direction: rtl;"><span style="font-size: 20px;"><strong>کتبہ کمال احمد علیمی نظامی جامعہ علیمیہ جمدا شاہی بستی</strong></span></p> <p style="direction: rtl;"><span style="font-size: 20px;"><strong>الجواب صحیح محمد نظام الدین قادری خادم درس و افتاء جامعہ علیمیہ جمدا شاہی</strong></span></p>