حضور اعلیٰ حضرت کی انفرادیت

حضور اعلیٰ حضرت کی انفرادیت

حضور اعلیٰ حضرت، امام اہل سنت، مجدد اعظم امام احمد رضا خان قادری فاضل بریلوی رضی اللہ عنہ کو اللہ رب العزت نے بے شمار علوم و فنون سے نوازا تھا۔ آپ وقت کے عظیم محدث اور نادر المثال عالم ربانی تھے۔ آپ کو علوم و فنون کا خزانہ دربار رسالت مآب صلى الله علیہ وسلم سے عطا کیا گیا تھا۔ وہ خود لکھتے ہیں: شرح تخمینی شروع کی تھی کہ والد ماجد (امام المتکلمین مفتی نقی علی خان قادری) نے فرمایا: کیوں اپنا وقت اس میں صرف کرتے ہو، مصطفیٰ پیارے ﷺ کی سرکار سے یہ علوم تم کو خود ہی سکھادیئے جائیں گے۔ چناں چہ یہ جو کچھ آپ دیکھ رہے ہیں مکان کی چار دیواری کے اند بیٹھا خود ہی کرتا رہتا ہوں یہ سب سرکارِ رسالت ﷺ کا کرم ہے۔ امام اہل سنت کو جو علوم و فنون دربارِ رسالت ﷺ سے حاصل ہوئے ان کی صحیح تعداد کا اندازہ نہیں کیا جاسکتا البتہ مروجہ علوم میں تقریباً ۵۵؍ علوم و فنون پر کامل دسترس حاصل تھی۔ آپ کی انفرادیت یہ ہے کہ آپ نے ان تمام علوم کو شریعت مطہرہ کے تابع رکھا اور کئی احکام و صور مسائل ان سے اخذ کیے، الہیات و نبوت یا شریعت کے کسی بھی پہلو پر کسی علم و فن میں اعتراض ہوا تو آپ نے اسی علم و فن میں شریعت کا