پینٹ یا پاجامہ فولڈ کر کے نماز پڑھنا کیسا ہے ؟

حضرت ایک سوال یہ ہے اور آج کل عام طور سے زیادہ تر ہمارے جوانوں میں دیکھنے کو مل رہا ہے، پینٹ موڑ کر نماز پڑھنا کیسا ہے ؟ ہمارے جوان حضرات کی زیادہ تر مسجدوں میں نیچے سے پینٹ لمبی ہوتی ہے تو ایک دو تین فولڈ کر لیتے ہیں موڑ لیتے ہیں تو پینٹ موڑ کر نماز پڑھنا کیسا ہے؟ الجواب :پینٹ یا پاجامے ٹخنوں سے اوپر تک ہی تیار کرائیں اور سلوائیں تاکہ موڑنے کی ضرورت نہ پیش آئے ۔موڑنے کی ضرورت اس وقت پیش آتی ہے جب وہ پینٹ ٹخنوں سے نیچے لٹک گئے ہوں اس وقت اگر آپ نے پینٹ درست نہیں کرایا تو موڑنا چاہیے جس طور پرموڑ ا عادتا موڑا جاتا ہے اور سلا جاتاہے اس طور پہ نہ موڑیے جس طور پر لوگ موڑتے ہیں یعنی الٹا موڑتے ہیں ۔ اور اس طرح سے موڑنا مکروہ تحریمی اور نماز واجب الاعادہ ہے ۔ واللہ تعالی اعلم کتبہ :مفتی نظام الدین صدر شعبہ افتا جامعہ اشرفیہ مبارک پور اعظم گڑھ ۔