<h2 style="direction: rtl;">شرمگاہ میں انگلی داخل کرنے سے غسل و وضو واجب نہیں</h2> <p style="direction: rtl;">السلام علیکم ورحمۃاللہ</p> <p style="direction: rtl;">جب حاملہ عورت کی سونوگرافی ہوتی ہے تو میڈم <strong>انٹرنل چیک اپ</strong> کرتی ہے تو کیا اس سے غسل کرنا ہوگا بینوا توجروا۔</p> <p style="direction: rtl;">سائل:حافظ توحید عالم اشرفی عشقی</p> <p style="direction: rtl;">وعلیکم السلام و رحمۃاللہ وبرکاتہ</p> <p style="direction: rtl;"><em><strong>الجواب بعون الملک الوہاب:</strong></em></p> <p style="direction: rtl;">سونوگرافی میں طبی آلہ سے اوپری ظاہری بدن کا معائنہ کیا جاتا ہے اور انٹرنل معائنہ میں عورت کی شرمگاہ میں انگلی داخل کی جاتی ہے۔</p> <p style="direction: rtl;">ان دونوں معائنہ میں نہ ہی غسل واجب ہوگا اور نہ ہی وضو ، کہ موجبات غسل سے کوئی موجب اور نواقض وضو سے کوئی ناقض نہ پایا گیا۔</p> <p style="direction: rtl;">در مختار میں ہے "ولا ﻋﻨﺪ ﺇﺩﺧﺎﻝ ﺇﺻﺒﻊ ﻭﻧﺤﻮﻩ ﻛﺬﻛﺮ ﻏﻴﺮ ﺁﺩﻣﻲ ﻭﺫﻛﺮ ﺧﻨﺜﻰ ﻭﻣﻴﺖ ﻭﺻﺒﻲ ﻻ ﻳﺸﺘﻬﻲ ﻭﻣﺎ ﻳﺼﻨﻊ ﻣﻦ ﻧﺤﻮ ﺧﺸﺐ ﻓﻲ اﻟﺪﺑﺮ ﺃﻭ اﻟﻘﺒﻞ ﻋﻠﻰ اﻟﻤﺨﺘﺎﺭ" (ردالمحتار ،ج١، ص٣٣٥)۔</p> <p style="direction: rtl;">بہار شریعت میں ہے "عورت نے اپنی فرج میں انگلی یا جانور یا مردے کا ذَکر یا کوئی چیز ربڑ یا مٹی وغیرہ کی مثلِ ذَکر کے بنا کر داخل کی تو جب تک اِنزال نہ ہو غُسل واجب نہیں اھ"(ج٢، ص٣٢٣)۔</p> <p style="direction: rtl;">و اللہ تعالی اعلم</p> <p style="direction: rtl;"><strong>کتبہ : مفتی شان محمدالمصباحی القادری</strong></p> <p style="direction: rtl;"><strong>١٣جولائی٢٠١٩</strong></p>