<h2 style="direction: rtl;">نو مولود بچہ کے کان میں کب اذان کہی جاے</h2> <p style="direction: rtl;">السلام علیکم ورحمتہ اللہ وبرکاتہ</p> <p style="direction: rtl;">کیا فرماتے ہیں علماے کرام مسئلہ ذیل میں کہ بچہ پیدا ہونے کے بعد اس کے کان میں کب اذان دینا چاہئے؟</p> <p style="direction: rtl;">المستفتی:حافظ عبد المالک رضا یاقوت گنج فرخ آباد یوپی</p> <p style="direction: rtl;">وعلیکم السلام ورحمۃاللہ و برکاتہ</p> <p style="direction: rtl;"><em><strong>الجوابــــــــــــــــــــــــــــــــــــــــــــــــــــــــــــــــــــــ</strong></em></p> <p style="direction: rtl;">بچہ پیدا ہونے کے بعد فورا داہنے کان میں اذان اور بائیں کان میں تکبیر کہنا چاہئے اور اگر فورا نہ کہ سکیں تو جتنی جلدی ممکن ہو اذان و تکبیر کہیں۔</p> <p style="direction: rtl;">فتاوی رضویہ میں ہے "جب بچہ پیداہو فوراً سیدھے کان میں اذان بائیں میں تکبیر کہے کہ خلل شیطان وام الصبیان سے بچے"</p> <p style="direction: rtl;"><strong>(ج٢٤،ص٤٥٣)</strong></p> <p style="direction: rtl;">بہار شریعت میں ہے "جب بچہ پیدا ہو تو مستحب یہ ہے کہ اوس کے کان میں اذان و اقامت کہی جائے اذان کہنے سے ان شاء ﷲ تعالیٰ بلائیں دور ہو جائیں گی۔ بہتر یہ ہے کہ دہنے کان میں چار مرتبہ اذان اور بائیں میں  تین مرتبہ اقامت کہی جائے۔</p> <p style="direction: rtl;"><strong>(ج١٥،ص٣٥٥)</strong></p> <p style="direction: rtl;">واللہ تعالی اعلم</p> <p style="direction: rtl;"><strong>  مفتی شان محمد المصباحی القادری</strong></p> <p style="direction: rtl;"><strong>کتبـــــــــــــــــــــــــــــــــــــــــــــــــــــــــہ </strong></p> <p style="direction: rtl;">٢٣ اکتوبر ٢٠٢١</p>