گھر میں نماز پڑھنے والے کو اذان و اقامت مستحب ہے
عمومًا یہ دیکھا گیا ہے کہ کچھ لوگ جس میں خواص بھی ہیں نماز فرض جب تنہا پڑھنا ہوتا ہے تو اقامت پڑھ کر نیت باندھتے ہیں کیا یہ امر درست ہے اگر ہاں تو کہاں سے ثابت ہے؟
اور مسجد میں نماز پڑھتے وقت کہنا کیسا ہے؟ بینوا توجروا ۔
المستفتی:ظفر اللہ امجدی
ــــــــــــــــــــــــــــــــــــــــــــــــــــــــــــــــــــــــــــــ
الجوابــــــــــــــــــــــــــــــــــــــــــــــــــــــــــــــــــــــــــــ
١) یہ امر درست ہے کہ گھر میں نماز پڑھنے والے کو اذان و اقامت کہنا مستحب ہے۔
ہندیہ میں ہے “ﻭﻧﺪﺏ اﻷﺫاﻥ ﻭاﻹﻗﺎﻣﺔ ﻟﻠﻤﺴﺎﻓﺮ ﻭاﻟﻤﻘﻴﻢ ﻓﻲ ﺑﻴﺘﻪ ﻭﻟﻴﺲ ﻋﻠﻰ اﻟﻌﺒﻴﺪ ﺃﺫاﻥ ﻭﻻ ﺇﻗﺎﻣﺔ ﻛﺬا ﻓﻲ اﻟﺘﺒﻴﻴﻦ”(ج١،ص٥٣) واللہ تعالی اعلم۔
٢) جس مسجد میں اذان و اقامت سے جماعت ہو گئی اس میں نماز پڑھنے والے کو اذان و اقامت کا ترک کر دینا مکروہ نہیں بلکہ اذان و اقامت کا کہنا مکروہ ہے جیسا کہ در مختار جلد ثانی صفحہ ٧٨ پر ہے” ﺃﻭﻣﺼﻞ ﻓﻲ ﻣﺴﺠﺪ ﺑﻌﺪ ﺻﻼﺓ ﺟﻤﺎﻋﺔ ﻓﻴﻪ ﺑﻞ ﻳﻜﺮﻩ ﻓﻌﻠﻬﻤﺎ”
اس سے معلوم ہوا کہ دونوں کا کہنا مکروہ ہے صرف اقامت مکروہ نہ ہوگی۔
ھذا ما ظھر لی والعلم بالحق عند ربی
مفتی شان محمد المصباحی القادری
کتبـــــــــــــــــــــــــــــــــــــــــــــــــــــــہ
١٢ ستمبر ٢٠١٨