<h3>مشت زنی اور احتلام ناقض صوم ہے یا نہیں؟ اگر نہیں تو کیوں جب کہ جماع ناقض صوم ہے۔</h3> بسم الله الرحمٰن الرحیم <span style="color: #ff0000;"><strong>الجواب بعون الملک الوھابـــــــــ</strong></span> مشت زنی اور احتلام ناقص صوم نہیں جماع ناقض صوم ہے کیوں کہ روزہ دخول سے ناقض ہوتا ہے خروج سے نہیں ۔ لیکن اگر مشت زنی سے انزال ہوجاے تو روزہ ٹوٹ جاے گا اور اس کی قضا بھی لازم ہوگی ۔ تنویر الابصار ودرمختار میں ہے : <span style="color: #ff0000;"><strong>" او اکل او جامع ناسیا او احتلم او انزل بنظر او ذرعہ القئی" اھ</strong></span> ( تنویرالابصار مع الدرالمختار : ج: 3، ص: 431، کتاب الصوم، باب مایفسد الصوم ومالا یفسدہ) در مختار میں ہے : <span style="color: #ff0000;"><strong>" وکذا الاستمناء بالکف وان کرہ تحریما لحدیث ناکح الید ملعون" </strong></span> اسی کے تحت ردالمحتار میں ہے : <span style="color: #ff0000;"><strong>" ای فی کونہ لا یفسد، لکن ھذا اذا لم ینزل اما اذا انزل فعلیہ القضاء کما سیصرح بہ وھو المختار" اھ</strong></span> (تنویر الابصار مع الدرالمختار و ردالمحتار : ج: 3، ص: 426، کتاب الصوم) بہار شریعت میں ہے : " غیر سبیلین میں جماع کیا تو جب تک انزال نہ ہو روزہ نہ ٹوٹے گا ۔ یوہیں ہاتھ سے منی نکالنے میں اگر چہ یہ سخت حرام ہے کہ حدیث میں اسے ملعون فرمایا" اسی میں ہے: " احتلام ہوا یا غیبت کی تو روزہ نہ گیا اگر چہ غیبت بہت سخت کبیرہ ہے " اھ (بہار شریعت : ج: 1 ، ح: 5 ، ص: 983- 984) مشت زنی سے انزال کی صورت میں روزہ کی قضا کا ذکر بہار شریعت میں ہے: "یا ہاتھ سے منی نکالی یا مباشرت فاحشہ سے انزال ہوگیا...ان سب صورتوں میں صرف قضا لازم ہے کفارہ نہیں " اھ ملتقطا (بہارشریعت : ج: 1، ص: 989، روزہ ٹوٹنے والی چیزوں کا بیان )واللہ تعالٰی اعلم <span style="color: #339966;"><strong>کتبــــــہ : مفتی عبدالقادر المصباحی الجامعی</strong></span> <span style="color: #339966;"><strong>مقام مہیپت گنج، ضلع گونڈہ یو پی، انڈیا </strong></span> <span style="color: #339966;"><strong>           ٢٩ ربیع الآخر ١٤٤٣ھ</strong></span>