اعزاز کی پوشاک ، تری خاک / جامعہ اشرفیہ مبارک پور

اعزاز کی پوشاک ، تری خاک

۸ جنوری ۲۰۱۷ بروز اتوار، مادر علمی جامعہ اشرفیہ مبارکپور میں لکھی گئ نظم ، جو یقینا جملہ اربابِ فن اور مصباحی برادران کے دل کی آواز ہے ،، ہے رفعت و اعزاز کی پوشاک تری خاک اے جامعہ ! ہےمخزنِ اِدراک تری خاک تعلیم کےنغموں سے فضا گونج رہی ہے دیتی ہے دل و روح کو خوراک تری خاک بے نور چراغوں کو مہ و مہر بنا کر کرتی ہے رفو ، دامنِ صدچاک تری خاک تو حافظِ ملت کی ریاضت کا ثمر ہے بیشک ہےعطاے شہِ لولاک تری خاک ہیں ایسے ضیاپاش،ترےعلم کے جلوے دنیا کو ہے سیّارۂ افلاک،تری خاک مصباحی قیادت سے ہر اک خِطّہ ہے روشن عالَم پہ جمائے ہوئے ہے دھاک تری خاک تعلیم وتعلُّم سے یہاں عشق ہے ایسا دیوانوں کوہےگیسوے پَیچاک تری خاک سیرت کوعطا کرتی ہے اوصافِ بصیرت دیتی ہے ہمیں فطرتِ دَرّاک،تری خاک ہےنبض تری، دستِ مسیحاے ہنر میں ہرغم کو بناتی ہےطربناک تری خاک کچھ ایسا یہاں جہدِمسلسل کاہے ماحول بزدل کوبھی کردیتی ہے بیباک تری خاک جولوگ ترے ساحلِ حکمت پہ کھڑے ہیں انکوبھی بنا دیتی ہےتیراک تری خاک عشاقِ رسالت پہ کُھلی ہےتری آغوش گستاخ پہ رہتی ہے غضبناک تری خاک دانائی کے پھل کھائے گا تاحشر زمانہ طالب کیلئےمثلِ رَگِ تاک تری خاک کیا ہے یہ فریدی کا تخیل ، یہ تفکر بس وجہِ سعادت ہےتری خاک تری خاک فطرتِ درّاک، بڑی سوجھ بوجھ والی فطرت گیسوے پیچاک، گھماؤ دار زلفیں رگِ تاک، انگور کی بیل از فریدی صدیقی مصباحی، مدینۃ العرفان مسقط عمان +968 99633908