التحیات سے پہلے بسم اللہ پڑھنا مکروہ تحریمی ہے

التحیات سے پہلے بسم اللہ پڑھنا مکروہ تحریمی ہے

سوال : نورانی تعلیم حصہ دوم صفحہ 19 میں بحوالہ فتاویٰ رضویہ ہے کہ التحیات کے شروع میں بسم اللہ نہیں پڑھنا چاہیے یہ نہی تحریمی ہے یا تنزیہی؟ بینوا و توجروا. الجوابــــــــــــــــــــــ التحیات کے شروع میں بسم اللہ پڑھنا مکروہ تحریمی ہے کہ یہ آیت قرآنی ہے جو قیام کے سوا کسی اور رکن میں پڑھنا جائز نہیں. فتاوی رضویہ میں ہے قیام کے سوا رکوع و سجود قعود کسی جگہ بسم اللہ پڑھنا جائز نہیں کہ وہ آیت قرآنی ہے اور نماز میں قیام کے علاوہ اور جگہ کوئی آیت پڑھنی ممنوع ہے. ١ھ (صفحہ 134 جلد 3) واللہ تعالی اعلم الجواب صحیح : مفتی نظام الدین رضوی جامعہ اشرفیہ مبارکپور کتبہ : مفتی محمد صدیق عالم منظوری