جس چشمہ کے پانی میں کپڑے برتن دھوئیں لوگ اس میں پیشاب کریں تو اس سے وضو اور غسل کرنا کیسا ہے ہے؟

سوال : ہمارے گاؤں کے کنارے ایک چشمہ ہے جہاں سے پانی نکل کر ایک چھوٹی سی نہر کی شکل بن کر گاؤں کے اندر سے گزرتا ہے جس میں عورتیں برتن اور کپڑے دھوتی ہیں. اس میں جانوروں کو بھی نہلاتے ہیں اور بطخ وغیرہ بھی اس میں گھومتی رہتی ہیں اور تمام مکانوں کا گندا اور نجس پانی بھی اسی نہر کے اندر جاتا ہے. اس کے بعد یہ پانی ایک مسجد سے گزرتا ہے وہاں پر لوگ اسی میں پیشاب کرتے ہیں اور وضو بھی کرتے ہیں تو اس نہر کے اندر وضو اور غسل جائز ہے یا نہیں؟ بینوا و توجروا. الجوابـــــــــــــــــــــ اس نہر میں جہاں نجس پانی یا پیشاب کے سبب پانی کا رنگ و بو یا مزہ نہ بدلا ہو وہاں وضو اور غسل جائز ہے. اور جہاں بدلا ہو وہاں نہیں جائز ہے. ایسا ہی بہار شریعت حصہ دوم صفحہ 45 پر ہے ۔ واللہ تعالی اعلم ۔ کتبہ : مفتی محمد ابرار احمد امجدی برکاتی الجواب صحیح : مفتی جلال الدین احمد الامجدی